ଲାଞ୍ଜିଗଡ: ଚାଷ ଜମିକୁ ଧାନ କାଟିବାକୁ ଯାଇଥିବାବେଳେ ସାପ କାମୁଡ଼ାରେ ଚାଲିଗଲା ଚାଷୀଙ୍କ ଜୀବନ। ଏଭଳି ଘଟଣା ଘଟିଛି କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ନର୍ଲା ଥାନା ଅନ୍ତର୍ଗତ ଗୋପାଳପୁର ଗ୍ରାମରେ। ପ୍ରାଣ ହରାଇଥିବା ଚାଷୀ ହେଲେ ଭଗତରାମ ଗଉଡ଼(୪୪)। ଭଗତ ନିଜ ଚାଷ ଜମିରେ ମୂମୂର୍ଷୁ ଅବସ୍ଥାରେ ପଡ଼ିଥିବାବେଳେ କିଛି ଛେଳି ଚରାଳୀ ତାଙ୍କୁ ଦେଖି ଅନ୍ୟ ଲୋକଙ୍କୁ ଡାକିଥିଲେ। ଖବର ପାଇ ପରିବାର ଲୋକେ ବି ପହଞ୍ଚିଥିଲେ। ତାଙ୍କୁ ଗୁରୁତର ଭାବେ ଉଦ୍ଧାର କରି ଡାକ୍ତରଖାନା ନିଆଯାଇଥିଲା। ସେଠାରେ ଚିକିତ୍ସାଧୀନ ଭାବେ ତାଙ୍କର ମୃତ୍ୟୁ ଘଟିଥିଲା। ଏ ନେଇ ଥାନାରେ କେସ ନଂ ୧୨/୨୦୨୪ରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି।
ତେବେ ଗତ ତିନି ବର୍ଷ ତଳେ ଭଗତରାମଙ୍କ ପତ୍ନୀଙ୍କ ମୃତ୍ୟୁ ଘଟିଥିଲା। ତାଙ୍କର ଗୋଟିଏ ପୁଅ ଏବଂ ଝିଅ ନିରାଶ୍ରୟ ହୋଇପଡ଼ିଛନ୍ତି। ଉଭୟଙ୍କୁ ସରକାରୀ ସହାୟତା ଯୋଗାଇଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି।
Comments are closed.