ସାମ୍ନାକୁ ଆସିଲା ‘ପଞ୍ଚାୟତ ୪’ର ରିଲିଜ୍ ତାରିଖ

ନୂଆଦିଲ୍ଲୀ : ଲୋକପ୍ରିୟ ଓ୍ବେବ ସିରିଜ୍ ‘ପଞ୍ଚାୟତ’ର ପ୍ରଶଂସକଙ୍କ ପାଇଁ ଖୁସିଖବର । ଏହି ସିରିଜର ଚତୁର୍ଥ ସିଜନର ରିଲିଜ ଡେଟ୍ ସାମ୍ନାକୁ ଆସିଛି । କମେଡି ଓ ଇମୋଶନରେ ଭରପୁର ଏହି ଶୋ’କୁ ଅଧିକ ମଜାଦାର କରିବା ପାଇଁ ନିର୍ମାତା ଅଣ୍ଟା ଭିଡିଛନ୍ତି । ତେବେ ଆସନ୍ତୁ ଜାଣିବା ଏହା କେବେ ଏବଂ କେଉଁ ପ୍ଲାଟଫର୍ମରେ ରିଲିଜ୍ ହେବ ।

ପଞ୍ଚାୟତ ୪ ଚଳିତ ବର୍ଷ ୨ ଜୁଲାଇରେ ରିଲିଜ୍ ହୋଇପାରେ । ଏହାର ଏପର୍ଯ୍ୟନ୍ତ ଅଫିସିଆଲ୍ ଘୋଷଣା ହୋଇନି । କିନ୍ତୁ ନିର୍ମାତା ଏନେଇ ସଙ୍କେତ ଦେଇଛନ୍ତି କି ଏଥିରେ ଅଧିକ ଡ୍ରାମା ଓ କମେଡି ଦେଖିବାକୁ ମିଳିବ ।

ଗତ ସିଜନ ଭଳି ଏହି ସିରିଜ୍ ମଧ୍ୟ ଆମାଜନ ପ୍ରାଇମ୍ ଭିଡିଓରେ ଷ୍ଟ୍ରିମ୍ ହେବ । ଯେଉଁ ଦର୍ଶକ ଏହି ଓ୍ବେବ୍ ସିରିଜ ଦେଖିବାକୁ ଚାହୁଁଛନ୍ତି ସେମାନଙ୍କ ପ୍ରାଇମ୍ ଭିଡିଓର ସବସ୍କ୍ରିପ୍ସନ ନେବାକୁ ହେବ । ଏଥର ମଧ୍ୟ ଜିତେନ୍ଦ୍ର କୁମାର,ନୀନା ଗୁପ୍ତା, ରଘୁବୀର ଯାଦବ, ଚନ୍ଦନ ରାୟ ଓ ଫୈସଲ ମଲିକ୍ ଭଳି କଳାକାର ନିଜ ଦମଦାର ଅଭିନୟରେ ଦର୍ଶକଙ୍କ ହୃଦୟ ଜିତିବେ ।