ଦୁନିଆର ସବୁଠାରୁ ମହଙ୍ଗା ସାପ

ସାପକୁ ଦେଖିବା ମାତ୍ରେ ଭୟଭୀତ ହେବା ସାଧାରଣ କଥା। ବିଷଧର ସାପକୁ ସହ ଜଡ଼ିତ ବହୁ କାହାଣୀ ମଧ୍ୟ ଶୁଣିବାକୁ ମିଳିଥାଏ। ମାତ୍ର ଆପଣ ଜାଣିଛନ୍ତି କି ଦୁନିଆରେ କିଛି ଏଭଳି ସାପ ମଧ୍ୟ ରହିଛନ୍ତି ଯାହାର ମୂଲ୍ୟ ହଜାର, ଲକ୍ଷ ନୁହେଁ ବରଂ କୋଟିଏ ଟଙ୍କା। ଏଭଳି ହିଁ ଗୋଟିଏ ସାପର ମୂଲ୍ୟରେ ଆପଣ ଦେଶର ଅନେକ ସ୍ଥାନରେ ଘର , ମହଙ୍ଗା ଗାଡ଼ି ମଧ୍ୟ କିଣିପାରିବେ। ଆଜ୍ଞା ହଁ ସାପଟିର ନାମ ହେଉଛି ଗ୍ରୀନ ଟ୍ରି ପାଇଥନ।
ଏହି ସାପ ଦୁନିଆର ସବୁଠାରୁ ମହଙ୍ଗା ସାପ ବୋଲି କୁହାଯାଏ। ଏହାର ସବୁଠାରୁ ବଡ଼ ବିଶେଷତ୍ୱ ହେଉଛି, ସାପଟିର ରଙ୍ଗ ସମ୍ପୂର୍ଣ୍ଣ ସବୁଜ ରଙ୍ଗ।
ଦୁନିଆର ସବୁଠାରୁ ମହଙ୍ଗା ଜିନିଷ ଉପରେ ରିପୋର୍ଟ ଦେଉଥିବା ଏକ ନିଦ୍ଦିଷ୍ଟ ୱେବସାଇଟର ମତାନୁଯାୟୀ, ନୀଳ ରଙ୍ଗର ମଧ୍ୟ ଅଜଗର ସାପ ଅଛି। ଯାହା ଖୁବ ବିରଳ। ସାଧାରଣ ଭାବେ ଏହା ଖୁବ କମ ମଧ୍ୟ ଦେଖାଯାଆନ୍ତି। ଏହାସହ ଏହି ପ୍ରକାରର ସାପଙ୍କ ମୂଲ୍ୟ କୋଟିଏ ଟଙ୍କା କିମ୍ବା ଅଧିକ ମଧ୍ୟ ହୋଇଥାଏ।
ଅଜଗର ସାପଙ୍କର ଏହି ପ୍ରଜାତି ସବୁଠାରୁ ମହଙ୍ଗା। ଏହା ବିଶେଷ ଭାବେ ଇଣ୍ଡୋନେସିଆ ଦ୍ୱୀପ, ନ୍ୟୁ ଗିନି , ଅଷ୍ଟ୍ରେଲିଆରେ ଦେଖାଯାଆନ୍ତି। କିଛି ସାପ ପ୍ରେମୀ ଏହି ସାପ ଉପରେ ଗବେଷଣା ମଧ୍ୟ କରିଥାଆନ୍ତି। ସେମାନେ ଏହି ସାପ ବିଷୟରେ ଅଧିକ ତଥ୍ୟ ମଧ୍ୟ ଜାଣିଥାଆନ୍ତି।
ଗ୍ରୀନ ଟ୍ରି ପାଇଥନ ସାପଙ୍କ ଲମ୍ବ ପ୍ରାୟ ୨ମିଟର ହୋଇଥାଏ। ଏମାନଙ୍କ ଓଜନ ୧ କିଲୋ ୫୦୦ ଗ୍ରାମ ହୋଇଥାଏ। ଏହାସହ ମାଆ ଗ୍ରୀନ ଟ୍ରି ପାଇଥନଙ୍କ ଲମ୍ବ ଓ ଓଜନ ଅଧିକ ଥାଏ। ଏହି ବିଶେଷ ସାପର ପ୍ରଜାତି କିଛି ଦେଶର ଗଛରେ ମଧ୍ୟ ଦେଖାଯାଆନ୍ତି।
ଏହି ସାପମାନେ ବିଭିନ୍ନ କୀଟଙ୍କୁ ଭୋଜନ କରିଥାଆନ୍ତି।