ସମାଜ ଡିଜିଟାଲ ଡେସ୍କ: ଲର୍ଡ୍ସ କ୍ରିକେଟ ପଡ଼ିଆରେ ଭାରତ ଏବଂ ଇଂଲଣ୍ଡ ମଧ୍ୟରେ ୩ୟ ଟେଷ୍ଟ ମ୍ୟାଚ ଗୁରୁବାର ଆରମ୍ଭ ହୋଇଛି। ଭାରତୀୟ ସମୟ ଅପରାହ୍ନ ୩ଟା ୩୦ରୁ ଖେଳ ଆରମ୍ଭ ହୋଇଥିବାବେଳେ ଟସ ଜିତି ଇଂଲଣ୍ଡ ବ୍ୟାଟିଂ ଜାରି ରଖିଛି। ବଡ଼ ସ୍କୋର ଲକ୍ଷ୍ୟ ନେଇ ଦୁଇ ଓପନର ଜାକ୍ କ୍ରଲି ଏବଂ ବେନ୍ ଡକେଟ ପଡ଼ିଆକୁ ଓହ୍ଲାଇଛନ୍ତି। କ୍ରଲି ୧୮ ଏବଂ ଡକେଟ ୧୫ ରନ କରି ଖେଳୁଛନ୍ତି। ୧୧ ଓଭର ସୁଦ୍ଧା ଘରୋଇ ଦଳ ବିନା କୌଣସି ଉଇକେଟ ହରାଇ ୩୫ ରନ୍ ସଂଗ୍ରହ କରିଛି।
ସେହିପରି ଭାରତୀୟ ଦ୍ରୁତ ବୋଲର ଯଶପ୍ରୀତ ବୁମରା, ଆକାଶ ଦୀପ ଏବଂ ମହମ୍ମଦ ସିରାଜ ନିଜ ନିଜର ପ୍ରଥମ ସ୍ପେଲ ବୋଲିଂ ଜାରି ରଖିଛନ୍ତି। ବୁମରା ୫ ଓଭର ବୋଲିଂ କରି ୧୦ ରନ ଦେଇଥିବାବେଳେ ଆକାଶ ୪ ଓଭରରେ ୧୯ ରନ ଏବଂ ସିରାଜ ୨ ଓଭରରେ ୧ ରନ ଦେଇଛନ୍ତି।
- Advertisement -
୪ ମ୍ୟାଚ ବିଶିଷ୍ଟ ଏହି ଟେଷ୍ଟ ସିରିଜର ପ୍ରଥମ ୨ଟି ମ୍ୟାଚରେ ଉଭୟ ଦଳ ଗୋଟିଏ ଲେଖାଏ ବିଜୟ ସହିତ ବରାବର ସ୍ଥିତିରେ ରହିଛନ୍ତି। ଆଗାମୀ ଚଳିତ ମ୍ୟାଚ ଏବଂ ଆଗାମୀ ମ୍ୟାଚ ଦୁଇ ଦଳ ପାଇଁ ଗୁରୁତ୍ଵପୂର୍ଣ୍ଣ ରହିଛି।
