ରଣପୁରଗଡ: ରାଜ୍ୟରେ ଜଳବାୟୁ ପରିବର୍ତ୍ତନ ଯୋଗୁଁ ବର୍ଷାର ଅନୀୟମିତତା ଦେଖା ଦେଉଛି। ସାଧାରଣତଃ ଧାନ ଚାଷ ଏବେ ଲଘୁଚାପ ଜନିତ ବର୍ଷା ଉପରେ ନିର୍ଭର କରୁଛି। ଯାହା ଫଳରେ ଢିପ ଜମି ଜଳ ଅଭାବରୁ ପଡ଼ିଆ ରହୁଛି। ତେଣୁ ସରକାର ଫଳଚାଷକୁ ପ୍ରୋତ୍ସାହିତ କରୁଛନ୍ତି। ନୟାଗଡ଼ ଜିଲ୍ଲା ଉଦ୍ୟାନ କୃଷି ବିଭାଗ ଡେପୁଟି ନିର୍ଦେଶକ ଲଳିତ କୁମାର ପଣ୍ଡା କୁହନ୍ତି ଜମି ନ ରଖ ପଡ଼ିଆ ଲଗା ଆମ୍ବ, ଲେମ୍ବୁ, ନଡ଼ିଆ। ସରକାରଙ୍କ ତରଫରୁ ପ୍ରତି ବ୍ଳକ ଉଦ୍ୟାନ କୃଷି ବିଭାଗରେ ଅଧା ଦାମରେ ଉନ୍ନତ କିସମର ଆମ୍ୱ, ଲେମ୍ବୁ ଓ ନଡ଼ିଆ ଚାରା ଯୋଗାଯାଉଛି। ରଣପୁର ଉଦ୍ୟାନ କୃଷି ବିଭାଗ ଅଧିକାରୀ ଶ୍ରୀକାନ୍ତ ସାହୁଙ୍କ ସୂଚନା ଅନୁଯାୟୀ ଚଳିତବର୍ଷ ରଣପୁର ବ୍ଳକକୁ ୪୩୫୫ ଆମ୍ବ, ୫୫୦ ଲେମ୍ବୁ ଓ ୧୬୦୦ ନଡ଼ିଆ ଚାରା ଆସିଛି। ଢିପ ଜମିରେ ଅଧା ଦାମରେ ଏହି ଫଳ ଚାଷ ପାଇଁ ଉତ୍ସାହିତ କରାଯାଉଛି। ଚାଷୀ ମାନେ ବିଶେଷ ଆଗ୍ରହ ପ୍ରକଟ କରୁଥିବା ଦେଖିବାକୁ ମିଳୁଛି।
ଦେଖନ୍ତୁ ଭୟଭୀତ କରୁଛି ଏହି ଭିଡିଓ; ଖାଲି ହାତରେ ଯୁବକ ଧରିଲେ ବିଶାଳକାୟ ଅହିରାଜ..



