ନୂଆଦିଲ୍ଲୀ : ଟେସଲା, ସ୍ପେଶଏକ୍ସ ଏବଂ ସାମାଜିକ ଗଣମାଧ୍ୟମ ପ୍ଲାଟଫର୍ମ ଏକ୍ସର ମାଲିକ ଏଲନ ମସ୍କ ‘XMail’ ଆଣିବା ନେଇ ଘୋଷଣା କରିଛନ୍ତି । ଏହି ଘୋଷଣା ସହିତ ଗୁଗଲର ପ୍ରମୁଖ ଜିମେଲ୍ ସେବାକୁ ମୁକାବିଲା ମିଳିବା ନେଇ ଅନୁମାନ କରାଯାଉଛି । ଏକ୍ସର ଇଞ୍ଜିନିୟର ନେଟ୍ ମ୍ୟାକଗ୍ରାଡିଙ୍କ ପୋଷ୍ଟର ଜବାବ ଦେଇ ମସ୍କ ଏହି ଘୋଷଣା କରିଛନ୍ତି ।
ନେଟ ମ୍ୟାକଗ୍ରାଡି ଲେଖିଛନ୍ତି କି ‘ଆମେ ଏକ୍ସମେଲ୍ କେବେ ପ୍ରସ୍ତୁତ କରିବା । ଏଥିରେ ମସ୍କ ପ୍ରତିକ୍ରିୟା ଦେଇ କହିଛନ୍ତି କି ଇଟ୍ସ କମିଂ (ଏହା ଆସୁଛି ) ।’ ତେବେ ମସ୍କ ଏବେ ଏକ୍ସମେଲର ଲଞ୍ଚିଂର ତାରିଖ ଏବଂ ଏସମ୍ପର୍କିତ କୌଣସି ବି ତଥ୍ୟ ସେୟାର କରିନାହାଁନ୍ତି ।
ନିକଟରେ ଗୁଗଲର ଜି-ମେଲ୍ ସେବା ବନ୍ଦ ହେବାର ମିଛ ଖବର ସାମାଜିକ ଗଣମାଧ୍ୟମରେ ଭାଇରାଲ ହେଉଥିଲା । ତେବେ ଜିମେଲ୍ ଏହାକୁ ଖାରଜ କରିସାରିଛି । ଜିମେଲ ନିଜ ଅଫିସିଆଲ ସାମାଜିକ ଗଣମାଧ୍ୟମ ଆକାଉଣ୍ଟ ଏକ୍ସରେ ଲେଖିଛି କି ଜିମେଲ୍ ସେବା ଚାଲିଛି ଏବଂ ଚାଲିବ ମଧ୍ୟ ।
Comments are closed.