ନୂଆଦିଲ୍ଲୀ : କେବେ ହାତୀର କ୍ରୋଧ ଦେଖିଛନ୍ତି କି? ନିକଟରେ ଭାଇରାଲ୍ ହେଉଥିବା ହାତୀର ଏକ ଭିଡିଓ ସୋସିଆଲ ମିଡିଆରେ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଭିଡିଓରେ ହାତୀ କେତେ ଶକ୍ତିଶାଳୀ ଓ କ୍ରୋଧିତ ହେବା ପରେ ପରିସ୍ଥିତି କିଭଳି ହୋଇପାରେ ଦେଖିପାରିବେ । ଭିଡିଓଟି କେଉଁ ଦିନ ଓ ସ୍ଥାନର ତାହାର ସ୍ପଷ୍ଟତା ମିଳିନାହିଁ । ମାତ୍ର ସୋସିଆଲ ମିଡିଆରେ ଭିଡିଓଟି ବେଶ ଭାଇରାଲ୍ ହେଉଛି । ଭିଡିଓରେ ଦେଖିପାରିବେ, ହାତୀଟି କିଭଳି ଏକ କାର୍କୁ ଉଠାଇ ରାସ୍ତା ଉପରେ ଫିଙ୍ଗି ଦେଉଛି । ଏହାପରେ ଏକ ବସ୍କୁ ବାରମ୍ବାର ଧକ୍କା ଦେଉଛି ।
@gharkekalesh pic.twitter.com/rLJrHxFmM9
— Arhant Shelby (@Arhantt_pvt) October 14, 2024
୧ ମିନିଟ୍ ୯ ସେକେଣ୍ଡର ଏହି ଭିଡିଓରେ ଦେଖିପାରିବେ, ରାସ୍ତାରେ ବସ୍, ଧଳା କାର୍ କ୍ଷତିଗ୍ରସ୍ତ ଅବସ୍ଥାରେ ଥିବା ସହ ଅନେକ ଲୋକେ ଜମା ହୋଇ ରହିଛନ୍ତି । ହାତୀ ସେଠାରେ ଏକ କାର୍କୁ ଖେଳଣାକୁ ନଷ୍ଟ କରିବା ଭଳି ଭଙ୍ଗାରୁଜା କରୁଛି । କାର୍କୁ ଭାଙ୍ଗିବା ପରେ ଏକ ବସ୍କୁ ମଧ୍ୟ ଧକ୍କା ମାରୁଥିବା ଦେଖାଯାଉଛି ।
ହାତୀ ଉପରେ ବସିଥିବା ମାହୁନ୍ତ ଗଜରାଜକୁ ଅଟକାଇବାକୁ ଚେଷ୍ଟା କରୁଛି । ମାତ୍ର ହାତୀ କ୍ରୋଧରେ ଥିବା ଦେଖାଯାଉଛି । ସେଠାରେ ଲୋକେ ଏକାଠି ହେବା ସହ କ୍ୟାମେରାରେ ସମସ୍ତ ଘଟଣାକୁ କଏଦ କରିଛନ୍ତି । ଭିଡିଓକୁ ଦେଖି ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
Pay Online
Comments are closed.