ଛତିଶିଗଡ : ଛତିଶିଗଡର ରାୟଗଡ ଜିଲାର ଜଙ୍ଗଲରେ ଗତ କିଛି ଦିନ ଧରି ୭୨ ଟିକିଆ ହାତୀଙ୍କ ଦଳ ଭିନ୍ନ ଭିନ୍ନ ସ୍ଥାନରେ ଉପଦ୍ରବ କରୁଛନ୍ତି। ଖାଦ୍ୟ ଓ ପାଣି ଅନ୍ୱେଷଣରେ ହାତୀପଲ ପ୍ରତିଦିନ ଗ୍ରାମ ଭିତରେ ପ୍ରବେଶ କରି ଫସଲ ନଷ୍ଟ କରୁଛନ୍ତି। ହାତୀପଲ ପ୍ରାୟ ୧୯ ଜଣ ଚାଷୀଙ୍କ ଫସଲ ନଷ୍ଟ କରିଛନ୍ତି।
ସୂଚନା ଯୋଗ୍ୟ, ପ୍ରତ୍ୟେକ ବର୍ଷ ଖରାଦିନ ଆରମ୍ଭ ହେବା ମାତ୍ରେ ରାୟଗଡ ଜିଲାର ଜଙ୍ଗଲରେ ବୁଲୁଥିବା ହାତୀପଲ ଆତଙ୍କ ସୃଷ୍ଟି କରିଥାଆନ୍ତି। ଖାଦ୍ୟ ଓ ପାଣି ଅନ୍ୱେଷଣରେ ବୁଲି ବୁଲି ହାତୀପଲ ଅଧିକାଂଶ ସମୟରେ ଗାଁ ଭିତରେ ପଶି ଫସଲ ଓ ଘର ନଷ୍ଟ କରି ଥାଆନ୍ତି। କିଛି ଦିନ ପରେ ପୁଣି ଜଙ୍ଗଲ ଭିତରକୁ ପଳାଇ ଥାଆନ୍ତି। ହାତୀ ପାଇଁ ଅଞ୍ଚଳରେ ଭୟର ବାତାବରଣ ଲାଗି ରହିଛି। ହାତୀମାନେ ଚାଷୀଙ୍କର ଧାନ, ବିରି, ବାଦାମ ଫସଲ ନଷ୍ଟ କରି ଦେଇଛନ୍ତି।
ହାତୀ ବୁଲୁଥିବା ସ୍ଥାନ ମାନଙ୍କରେ ଡ୍ରୋନ କ୍ୟାମେରା ମାଧ୍ୟମରେ ହାତୀଙ୍କ ଗତିବିଧି ଉପରେ ନଜର ରଖାଯାଉଛି। ଯାହାଦ୍ୱାରା ସ୍ଥାନୀୟ ବାସିନ୍ଦାଙ୍କୁ ସଚେତନ କରାଯାଇପାରୁୁଛି। ହାତୀଙ୍କ ନିକଟକୁ ନ ଯିବାକୁ ମଧ୍ୟ ପରାମର୍ଶ ଦିଆଯାଇଥିବା ବେଳେ ବନ କର୍ମଚାରୀ ହାତୀଙ୍କ ଉପରେ ନଜର ରଖିଛନ୍ତି।
Comments are closed.