ନୂଆଦିଲ୍ଲୀ : ନିର୍ବାଚନ ତାରିଖ ପାଖେଇ ଆସିବା ବେଳକୁ ପାର୍ଥୀ ମାନଙ୍କ ମଧ୍ୟରେ ପ୍ରତିଯୋଗିତା ଦେଖିବାକୁ ମିଳୁଛି। ନିର୍ବାଚନ ସମୟରେ ଲୋକମାନଙ୍କୁ କେଉଁ ପାର୍ଥୀ କେତେ ପ୍ରତିଶୃତି ଦେଇପାରୁଛନ୍ତି ତାହା ସବୁବେଳେ ରୋଚକ ହୋଇଥାଏ।
ସୂଚନା ଅନୁସାରେ ତାମିଲନାଡୁରେ ଏକ ସ୍ୱାଧୀନ ପାର୍ଥୀ ନିର୍ବାଚନ ପ୍ରଚାରରେ ସମସ୍ତ ଲୋକମାନଙ୍କୁ ମାଗଣା ମଦ ପ୍ରଦାନ କରିବାକୁ ପ୍ରତିଶୃତି ଦେଇଛନ୍ତି। ଶେଖ ଦାଉଦ(୫୫) ନିର୍ବାଚନ ଜିତିବା ପରେ ସମସ୍ତ ଘରେ ୧୦ଲିଟର ମାଗଣା ମଦ ଦେବେ ବୋଲି କହିଛନ୍ତି। ଶେଖ ଦାଉଦ ତାମିଲନାଡୁର ତିରୁପୁର ଲୋକସଭା ଆସନ ପାଇଁ ପାର୍ଥୀ ହୋଇଛନ୍ତି। ଶେଖ ନିଜର ନିର୍ବଚନ ଘୋଷଣାପତ୍ରରେ ୧୫ଟି ଗୁରୁତ୍ୱପୁର୍ଣ୍ଣ ବିଷୟ ଉପରେ ଆଲୋକପାତ କରିଛନ୍ତି। ମହିଳା ମାନଙ୍କ ଉନ୍ନତି ପାଇଁ ଶେଖ ପ୍ରତି ମହିଳାଙ୍କୁ ୨୫ହଜାର ଟଙ୍କା ଦେବାପାଇଁ କହିଛନ୍ତି। ଏହିଭଳି ଅନେକ ପ୍ରତିଶୃତି ଦେଇ ଦାଉଦ ଲୋକମାନଙ୍କୁ ନିକଟରୁ ଭୋଟ ଭିକ୍ଷା ପାଇଁ ଯାଉଛନ୍ତି।
