ଗୁଣପୁର : ପୂର୍ବତଟ ରେଳ ବିଭାଗର ମହାପ୍ରବନ୍ଧକ ମନୋଜ ଶର୍ମା ରାୟଗଡା ଜିଲ୍ଲା ଗୁଣପୁର ରେଳ ଷ୍ଟେସନ ପରିଦର୍ଶନ କରିଛନ୍ତି। ସ୍ଵତନ୍ତ୍ର କୋଚରେ ଆସି ରେଳ ଷ୍ଟେସନର ଆନୁସାଙ୍ଗିକ ବ୍ୟବସ୍ଥା ସହ ଗୁଣପୁର ଷ୍ଟେସନରେ ଅମୃତ ଯୋଜନାରେ ଚାଲିଥିବା ବିଭିନ୍ନ କାର୍ଯ୍ୟର ଅଗ୍ରଗତି ନେଇ ତଦାରଖ କରିଥିଲେ। ଆନ୍ଧ୍ର ଓଡିଶା ରେଳ ବ୍ୟବାହାରିକ ସଂଘର କର୍ମକର୍ତ୍ତା ଓ ନବ ନିର୍ମାଣ ସମିତିର ଅଧ୍ୟକ୍ଷ ଅକ୍ଷୟ କୁମାର ଦାସ ତାଙ୍କୁ ସ୍ବାଗତ କରିବା ସହ ୭ ଦଫା ଦାବି ସମ୍ବଳିତ ଏକ ସ୍ମାରକ ପତ୍ର ପ୍ରଦାନ କରିଥିଲେ। ଗୁଣପୁର – ଥେରୁବାଲି ପ୍ରକଳ୍ପ, ସିକନ୍ଦ୍ରାବାଦ ବିଶାଖାପାଟଣା ଗରିବ ଏକ୍ସପ୍ରେସକୁ ଗୁଣପୁର ପର୍ଯ୍ୟନ୍ତ ସଂପ୍ରସାରଣ, ଗୁଣପୁର – ବିଶାଖାପାଟଣା ଏକ୍ସପ୍ରେସ ଟ୍ରେନକୁ ବିଜୟୱାଡା- ଗୁଣ୍ଟୁର ପର୍ଯ୍ୟନ୍ତ ସଂପ୍ରସାରଣ, କାଶୀନଗର ଥେମ୍ବୁରୁ ରେଳ ଷ୍ଟେସନରେ ଟ୍ରେନ କ୍ରୋସିଂ ସୁବିଧା କରିବା, ଗୁଣପୁର – ପୁରୀ ଟ୍ରେନକୁ ଗଜପତି ଏକ୍ସପ୍ରେସ ଓ ବିଶାଖାପାଟଣା – ଗୁଣପୁର ଟ୍ରେନକୁ ବଂଶଧାରା ଏକ୍ସପ୍ରେସ ନାମରେ ନାମିତ କରିବା ପାଇଁ ଦାବି କରିଛନ୍ତି।ଏହି ଅବସରରେ ବିଶାଖାପାଟଣାର ରେଳ ଡିଭାଜନର ଡିଆରଏମ ସୌରଭ ପ୍ରସାଦଙ୍କ ସହ ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ।
Popular Categories
Previous article
Next article