ନାସିକ : ନାସିକ କାଲୱାନ ତାଲୁକରେ ଗତ ଦୁଇ ଦିନ ମଧ୍ୟରେ ୩ଥର ଭୂମିକମ୍ପ ଝଟକା ଅନୁଭୂତ ହୋଇଛି। ଫଳରେ ଏହି ତାଲୁକ ଅଧୀନ ୫ ଗ୍ରାମର ଲୋକେ ଆତଙ୍କିତ ହୋଇପଡ଼ିଛନ୍ତି। ପ୍ରତି ଭୂମିକମ୍ପ ଝଟକାର ତୀବ୍ରତା ୨ରୁ ୩ ରିକ୍ଟର ସ୍କେଲ ବୋଲି ରେକର୍ଡ କରାଯାଇଛି। ସୂଚନା ଅନୁସାରେ ରବିବାର ସନ୍ଧ୍ୟା ୭ଟା ୧୫ରେ କାଲୱାନ, ଭିଲୱାରା, ଦେଭଲିୱାଣି ଏବଂ ବୋରଗାଓଁରେ ଭୂମିକମ୍ପ ଝଟକା ଅନୁଭୂତ ହୋଇଥିଲା। ସେତେବେଳେ ଲୋକେ ଏତେ ଭୟଭୀତ ହୋଇନଥିଲେ। କିନ୍ତୁ ସୋମବାର ସକାଳ ୧୦ଟା ୧୦ରେ ପୁନଃ ଭୂମିକମ୍ପ ଅନୁଭୂତ ହୋଇଥିଲା। କିଛି ସମୟ ପରେ ସେହି ଦିନ ଦ୍ୱିତୀୟ ଝଟକା ଅନୁଭୂତ ହୋଇଥିଲା। ଏହାପରଠାରୁ ଲୋକେ ଆତଙ୍କିତ ହୋଇପଡ଼ିଛନ୍ତି।
ବିଡ଼ିଓଙ୍କ କହିବା ଅନୁସାରେ ଏହି ଅଞ୍ଚଳ ଭୂମିକମ୍ପ ପ୍ରବଣ ବୋଲି ଚିହ୍ନଟ କରାଯାଇଛି। ଫଳରେ ମଝିରେ ମଝିରେ ଏଠାରେ ଏଭଳି ଝଟକା ଅନୁଭୂତ ହୁଏ। ତେବେ ଏହାକୁ ନେଇ ଡରିବାର କିଛି ନାହିଁ। ଭୂମିକମ୍ପ ଡର ଯୋଗୁଁ ପ୍ରବଳ ଥଣ୍ଡା ସତ୍ତ୍ବେ ଲୋକେ ରାତିରେ ଘର ବାହାରେ ଶୋଉଛନ୍ତି।
