ଗୋପାଳପୁର : ଗୋଳନ୍ଥରା ଥାନା ଅଞ୍ଚଳରେ ଜଣେ ନାବାଳିକା ଛାତ୍ରୀଙ୍କୁ ଅପହରଣ ପରେ ଦୁଷ୍କର୍ମ ଘଟଣାରେ ସ୍ଥାନୀୟ ପୁଲିସ ଆଜି ଅଭିଯୁକ୍ତ ଯୁବକକୁ ଗିରଫ କରି କୋର୍ଟ ଚାଲାଣ କରିଛି l ଅଭିଯୁକ୍ତ ଜଣକ ସେହି ଗ୍ରାମର ଏ.ସିମାଞ୍ଚଳ (୨୦) ବୋଲି ପୁଲିସ ସୂଚନା ଦେଇଛି। ଗତ ମାର୍ଚ୍ଚ ୪ ତାରିଖରେ ଛାତ୍ରୀ ଜଣକ ଦଶମ ଶ୍ରେଣୀ ପରୀକ୍ଷା ଦେଇ ଘରକୁ ଫେରୁଥିବାବେଳେ ସେହି ଗ୍ରାମର ସିମାଞ୍ଚଳ ନାବାଳିକାକୁ ପ୍ରଲୋଭନ ଦେଖାଇ ଅପହରଣ କରି ନେଇ କଟକ ଜିଲାକୁ ଚାଲି ଯାଇ ଏକ ଭଡା ଘରେ ରହୁଥିଲେ । ଛାତ୍ରୀଙ୍କ ପରିବାର ଲୋକେ ଆଖ ପାଖ ଖୋଜାଖୋଜି କରିଥିଲେ ମଧ୍ୟ ପତ୍ତା ପାଇନଥିଲେ । ନାବାଳିକାଙ୍କ ଭାଇ, ଭଉଣୀର ଅପହରଣ ହୋଇଥିବା ନେଇ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ ।
ଏ ନେଇ ଥାନା କେଶ ନଂ ୯୭/୨୪ ପ୍ରକାରେ ଅପହରଣ ମାମଲା ରୁଜୁ କରି ପୁଲିସ ତଦନ୍ତ ଆରମ୍ଭ କରିଥିଲା । ଯୁବକ ଓ ଛାତ୍ରୀକୁ ଉଦ୍ଧାର କରିବା ପାଇଁ ପୁଲିସ ଏକ ଟିମ ଗଠନ କରି ବିଭିନ୍ନ ସ୍ଥାନରେ ଚଡାଉ କରିଥିଲେ । ଗତ ଚାରି ଦିନ ତଳେ କନିଷି ହାଟ ଅଞ୍ଚଳରେ ଏକ ଭଡା ଘରେ ସିମାଞ୍ଚଳ ଓ ନାବାଳିକା ଥିବା ନେଇ ଖବର ପାଇବା ପରେ ପୁଲିସ ଟିମ ଆଜି ସକାଳେ ଚଢାଉ କରି ଉଭୟଙ୍କୁ ଉଦ୍ଧାର କରି ସିମାଞ୍ଚଳକୁ କାବୁ କରିଥିଲା । ସିମାଞ୍ଚଳ ତାଙ୍କୁ ବାରମ୍ବାର ଧମକ ଚମକ ଦେଇ ଦୁଷ୍କର୍ମ କରୁଥିବା ନେଇ ପୁଲିସ ନିକଟରେ ପ୍ରକାଶ କରିଥିଲେ ନାବାଳିକା । ସିମାଞ୍ଚଳକୁ ପୁଲିସ ଅଟକ ରଖି ପଚରା ଉଚରା କରିବା ପରେ ଉଭୟଙ୍କ ବ୍ରହ୍ମପୁର ବଡ଼ ମେଡିକାଲରେ ଡାକ୍ତରୀ ମାଇନା କରି ସିମାଞ୍ଚଳଙ୍କୁ ଗିରଫ କରି ସନ୍ଧ୍ୟାରେ କୋର୍ଟ ଚାଲାଣ କରିଥିବାବେଳେ ବିଚାରପତିଙ୍କ ସମୁଖରେ ଛାତ୍ରୀଙ୍କ ବୟାନ ରେକର୍ଡ କରାଯାଇଛି ।
ଏଣିକି ସେନା କ୍ୟାଣ୍ଟିନରେ ମିଳିବ କାର୍, ଶସ୍ତାରେ କିଣିବେ କର୍ମଚାରୀ
