ପାଟଣା : ପାଟଣା ଅଞ୍ଚଳ ତୁରୁମୁଙ୍ଗା ଥାନା ୪୯ ନଂ ଜାତୀୟ ରାଜପଥରେ ଆଜି ସକାଳୁ ଏକ ବ୍ରଏଲର କୁକୁଡା ବୋଝେଇ ପିକଅପ୍ ଭ୍ୟାନ୍ ଓଲଟି ପଡିଥିଲା। ପିକଅପଟି ଅନୁଗୁଳରୁ କୁକୁଡା ନେଇ ରାଇରଙ୍ଗପୁର ଯାଉଥିବାବେଳେ ଭାରସାମ୍ୟ ହରାଇ ଦୁର୍ଘଟଣାର ଶିକାର ହୋଇଥିଲା। ଗାଡି ଓଲଟିବା ଯୋଗୁଁ ଅନେକ କୁକୁଡା ମରିଯାଇଥିବା ବେଳେ କୁକୁଡ଼ା ଗାଡ଼ି ଦୁର୍ଘଟଣାର ଖବର ପାଇ ସ୍ଥାନୀୟ ଲୋକେ ସେଠାରେ ପହଞ୍ଚି ମଲା ଜୀଅନ୍ତା କୁକୁଡା ସବୁକୁ ବୋହି ନେଇଯାଉଥିବାର ଦେଖିବାକୁ ମିଳିଥିଲା। ପରେ ଖବର ପାଇ ତୁରୁମୁଙ୍ଗା ପୁଲିସ ଗାଡିଟିକୁ ଜବତ କରି ଦୁର୍ଘଟଣାର ତଦନ୍ତ କରୁଥିବା ଜଣାପଡିଛି। ତେବେ ଏହି ଦୁର୍ଘଟଣାରେ ଚାଳକ ଜଣକ ସାମାନ୍ୟ ଆହତ ହୋଇଥିବା ସୂଚନା ମିଳିଛି।
Comments are closed.