ନୂଆଦିଲ୍ଲୀ: ଡ଼୍ରାଇଭିଂ ଲାଇସେନ୍ସ ଓ ଅନ୍ୟାନ୍ୟ ଗାଡ଼ି କାଗଜପତ୍ର ନିମନ୍ତେ କେନ୍ଦ୍ର ସରକାର ଗାଡ଼ି ମାଲିକଙ୍କୁ ଦେଇଛନ୍ତି ମହଲତ । ଜୁଲାଇ ୩୧ ତାରିଖ ପର୍ଯ୍ୟନ୍ତ ଏହି ସବୁ ଦସ୍ତାବିଜ ଠିକ୍ କରିବା ପାଇଁ ଅବଧି ବୃଦ୍ଧି କରାଯାଇଛି । କେନ୍ଦ୍ର ଭୂ ପୃଷ୍ଠ ପରିବହନ ଓ ରାଜମାର୍ଗ ମନ୍ତ୍ରାଳୟ ସୂଚନା ଅନୁସାରେ ୧ ଫେବୃଆରୀ ୨୦୨୦ ପରେ ଯଦି ବାହନର କାଗଜପତ୍ର ସମ୍ପର୍କିତ ପ୍ରକ୍ରିୟା ପୂରଣ ହୋଇନଥିଲେ ଏଥିଲାଗି ଜୋରିମାନା ଦେବାକୁ ପଡ଼ିବ ନାହିଁ ।
କରୋନା ଓ ଲକଡ଼ାଉନ ଯୋଗୁଁ ଯଦି କୌଣସି ଗାଡ଼ି ମାଲିକ ତାଙ୍କ ଗାଡ଼ିର ଆବଶ୍ୟକୀୟ କାଗଜପତ୍ର ନବୀକରଣ କରିନାହାନ୍ତି କିମ୍ବା ଡ଼୍ରାଇଭିଂ ଲାଇସେନ୍ସ କରି ନାହାନ୍ତି କିମ୍ବା ପ୍ରଦୂଷଣ ସାର୍ଟିଫିକେଟ କରି ନାହାନ୍ତି ତେବେ ଜୁଲାଇ ୩୧ ତାରିଖ ପୂର୍ବରୁ କରାଇ ନେବା ଆବଶ୍ୟକ । ଏହା ପୂର୍ବରୁ ମନ୍ତ୍ରାଳୟ ୩୦ ମାର୍ଚ୍ଚ ୨୦୨୦କୁ ଶେଷ ତାରିଖ ଧାର୍ଯ୍ୟ କରିଥିଲେ। ଏଥିଲାଗି ସେମାନଙ୍କଠାରୁ ଜୋରିମାନା ଆଦାୟ କରାଯିବନାହିଁ ବୋଲି କୁହାଯାଇଛି ।
