ଦୋରଡ ସ୍କୁଲରେ ଥଣ୍ଡା ପାନୀୟ ମେସିନ ଉଦଘାଟିତ

ଆଠଗଡ : ଆଠଗଡ ବ୍ଲକର ଦୋରଡ ପ୍ରାଥମିକ ଏବଂ ଉଚ୍ଚ ପ୍ରାଥମିକ ବିଦ୍ୟାଳୟରେ ଏକ ଥଣ୍ଡା ପାନୀୟ ଜଳ ମେସିନ ଗୁରୁବାର ଉଦଘାଟିତ ହୋଇଯାଇଛି । ଆଠଗଡର ଆଇଡିବିଆଇ ବ୍ୟାଙ୍କ ପକ୍ଷରୁ ପ୍ରାୟ ୫୦ ହଜାର ଟଙ୍କା ମୂଲ୍ୟର ଉକ୍ତ ଥଣ୍ଡା ପାନୀୟ ମେସିନ ପ୍ରଦାନ କରାଯାଇଛି । ମୁଖ୍ୟ ଅତିଥି ଭାବେ ଆଇଡିବିଆଇ ବ୍ୟାଙ୍କର ଶାଖା ପ୍ରବନ୍ଧକ ଦେବାଶିଷ ଆଚାର୍ଯ୍ୟ ଯୋଗଦେଇ ଥଣ୍ଡା ପାନୀୟ ମେସିନଟିକୁ ଉଦଘାଟନ କରିବା ସହ ଏହା ଦ୍ବାରା ଛାତ୍ରଛାତ୍ରୀମାନେ ସ୍ୱଚ୍ଛ ତଥା ଥଣ୍ଡା ଜଳ ପିଇ ଉପକୃତ ହୋଇପାରିବେ ବୋଲି ମତବ୍ୟକ୍ତ କରିଥିଲେ । ଏଥିରେ ସମ୍ମାନିତ ଅତିଥି ରୂପେ ବ୍ୟାଙ୍କର ପରିଚାଳକ ଯୋଗେଶ ଚନ୍ଦ୍ର ନାୟକ, ଅଧିକାରୀ ଅଭିଷେକ ଜେନା, ଗ୍ରାମ ସଭାପତି ଅପର୍ତ୍ତି ଚରଣ ସେଠୀ,  ସରପଞ୍ଚ ଜ୍ୟୋସ୍ନାରାଣୀ ଭୋଇ, ସମିତିସଭ୍ଯ ବିଭୁତି ଭୂଷଣ ବେହେରା, ସ୍କୁଲ ଏସଏମସି ସଭାପତି ଧ୍ରୁବ ଚରଣ ସାହୁ ପ୍ରମୁଖ ଯୋଗଦେଇ ଉଦବୋଧନ ଦେଇଥିଲେ। ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନଶିକ୍ଷକ ମନୋରଞ୍ଜନ ମିଶ୍ର କାର୍ଯ୍ୟକ୍ରମ ସଂଯୋଜନା କରିଥିବାବେଳେ ପ୍ରାଥମିକ ବିଦ୍ୟାଳୟ ପ୍ରଧାନଶିକ୍ଷୟିତ୍ରୀ ସଂଯୁକ୍ତା ପାଲ୍ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ। ସରପଞ୍ଚ ଓ ସମିତିସଭ୍ଯଙ୍କ ସହ ଅନ୍ଯମାନେ ବ୍ୟାଙ୍କର ଏହି ବଦାନ୍ଯତା ପାଇଁ କୃତଜ୍ଞତା ଜଣାଇଥିଲେ।