ଦୋବଲ: ଆମର ଭାଷାଟିଏ ଥିଲା ବୋଲି ଆମେ ଭୂମିଟିଏ ପାଇଛୁ ଓ ଭାଷାଭିତ୍ତିକ ରାଜ୍ୟ ଗଠିତ ହେବା ସହ ଓଡ଼ିଆ ଭାଷା ଶାସ୍ତ୍ରୀୟ ମାନ୍ୟତା ପାଇଛି। ତେଣୁ ଓଡ଼ିଆ ଭାଷାରେ ଅଧ୍ୟନ ଓ ଗବେଷଣା ଉପରେ ଗୁରୁତ୍ୱ ଦେବାର ଆବଶ୍ୟତା ରହିଛି ବୋଲି ରାଜ୍ୟସ୍ତରୀୟ ସଂଗଠନ ଓଡ଼ିଆ ଭାଷା ଅଧ୍ୟୟନ ଓ ଗବେଷଣା ସଂସ୍ଥା ଓ ଧାମନଗର ମହାବିଦ୍ୟାଳୟ ମିଳିତ ସହଯୋଗରେ ରବିବାର ଧାମନଗର ମହାବିଦ୍ୟାଳୟ ସଭାଗୁହାରେ ଆୟୋଜିତ ଆଲୋଚନାଚକ୍ରରେ ମତ ପ୍ରକାଶ ପାଇଛି। ପ୍ରଥମେ ଛାତ୍ରଛାତ୍ରୀ, ବୁଦ୍ଧିଜୀବି ଓ ସାମ୍ବାଦିକ ମାନଙ୍କ ଦ୍ୱାରା ସଚେତନା ଶୋଭାଯାତ୍ରା ଧାମନଗର ବଜାର ପରିକ୍ରମା ପରେ ସଭା ଅନୁଷ୍ଠିତ ହୋଇଥିଲା।
ମହାବିଦ୍ୟାଳୟର ପ୍ରତିଷ୍ଠାତା ହୃଦାନନ୍ଦ ମଲ୍ଲିକ ଓ ଗଣେଶଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ପରେ ଅତିଥିମାନଙ୍କ ଦ୍ୱାରା ଆଲୋଚନା ଚକ୍ର ଉଦଘାଟନ ହୋଇଥିଲା। ଅଧକ୍ଷ ପବିତ୍ର ପାଣିଗ୍ରାହୀଙ୍କ ଅଧକ୍ଷତାରେ ଅନୁଷ୍ଠିତ ସଭାରେ ସମ୍ମାନିତ ଅତିଥି ଭାବେ ଡ଼ ମିହିର ଖୁଣ୍ଟିଆ, କେନ୍ଦ୍ରାପଡାର ପୂର୍ବତନ ବିଧାୟକ ଡ଼ ସିପ୍ରା ମଲ୍ଲିକ, ଡ଼ ସୁବ୍ରତ କୁମାର ପୃଷ୍ଟି , ସ୍ତମ୍ଭକାର ଅଭୟ ଦ୍ଵବେଦୀ, କାଁହୁଚରଣ ପାଣିଗ୍ରାହୀ ଓ ଡ଼ ଲୋକନାଥ ସେଠୀ ଯୋଗ ଦେଇଥିଲେ। ପ୍ରାରମ୍ଭରେ ପ୍ରାଧ୍ୟାପକ ଅଜୟ କୁମାର ବେଜ ସ୍ୱାଗତ ଭାଷଣ ଓ ଅଧ୍ୟାପକ ବୈରାଗଞ୍ଜନ ଦାଶ ଅତିଥି ପରିଚୟ ପ୍ରଦାନ କରିଥିଲେ। ଶେଷରେ ଅଧ୍ୟାପକ ମନୋଜ କର ଧନ୍ୟବାଦ ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ରସାନନ୍ଦ ମହାପାତ୍ର ବାସୁଦେବ ତ୍ରିପାଠୀ, ପ୍ରଦୀପ ମହାପାତ୍ର, ଅଭିଜିତ ନାୟକ, ହରେକୃଷ୍ଣ ନାୟକ, ହେମେନ୍ଦ୍ର ମହାନ୍ତି ଓ ଅନ୍ୟଅତିଥି ମାନେ ଆଲୋଚନା ଚକ୍ରରେ ଅଂଶ ଗ୍ରହଣ କରିଥିଲେ। ମହାବିଦ୍ୟାଳୟର କର୍ମଚାରୀ ଓ ଛାତ୍ରଛାତ୍ରୀମାନେ ସହଯୋଗ କରିଥିଲେ।
