ଜ୍ୟୋତିଷ ଶାସ୍ତ୍ରରେ ଦାନର ଖୁବ୍ ମହତ୍ତ୍ୱ ରହିଛି। ଦାନ ଦେବା ଦ୍ୱାରା ଜାତକରେ ଥିବା ବିଭିନ୍ନ ଗ୍ରହ ଦୋଷରୁ ମୁକ୍ତି ମିଳିଥାଏ। ଜୀବନରେ ଥିବା ଅନେକ ସମସ୍ୟା, ଆର୍ଥିକ କ୍ଷେତ୍ରରେ ଥିବା ସମସ୍ୟା ମଧ୍ୟ ଦୂର ହୋଇଥାଏ। ନିଜର ସକ୍ଷମ ଅନୁଯାୟୀ ଦାନ କରି ପାରିବେ। ଏହାଦ୍ୱାରା ଅଧିକ ପୁଣ୍ୟଫଳ ପ୍ରାପ୍ତି ହୋଇଥାଏ। ତେବେ ଦାନ ଦେବା ସମୟରେ କିଛି ଦିଗ ପ୍ରତି ଧ୍ୟାନ ଦେବା ନିତାନ୍ତ ଆବଶ୍ୟକ। ଜାଣନ୍ତୁ କେଉଁ ଜିନିଷ ଦାନ ଦେବା ଦ୍ୱାରା ସୌଭାଗ୍ୟ ପରିବେର୍ତ୍ତ ର୍ଦୁଭାଗ୍ୟରେ ପରିଣତ ହୋଇଥାଏ।
ସୋରିଷ ତେଲ ଦାନ ଦେବା ଅତ୍ୟନ୍ତ ଲାଭଦାୟକ। ମାତ୍ର କିଛି ଲୋକେ ବ୍ୟବହାର ହୋଇଥିବା ତେଲ ଦାନ କରନ୍ତି। ଏହା ଶୁଭଙ୍କର ନୁହେଁ। କଦାପି ବ୍ୟବହାର କରାଯାଇଥିବା ତେଲ ଦାନ ଦିଅନ୍ତୁ ନାହିଁ। ଏହାଦ୍ୱାରା ଶନିଦେବଙ୍କ କୋପର ଶିକାର ହେବାକୁ ପଡିଥାଏ।
ସୂର୍ଯ୍ୟାସ୍ତ ହେବା ପରେ ହଳଦୀ ଦାନ ଦେବା ଉଚିତ୍ ନୁହେଁ। ବିଶେଷ କରି ଗୁରୁବାର ଦିନ ହଳଦୀ ଦାନ ଦିଅନ୍ତୁ ନାହିଁ। ହଳଦୀଙ୍କ ସମ୍ବନ୍ଧ ଗୁରୁ ଗ୍ରହଙ୍କ ସହ ରହିଛି। ହଳଦୀ ଦାନ ଦେବା ଦ୍ୱାରା ଗୁରୁ ଗ୍ରହ ଜାତକରେ ଦୁର୍ବଳ ହୋଇ ଥାଆନ୍ତି। ଜୀବନରେ ଅନେକ ସମସ୍ୟା ଲାଗି ରହିଥାଏ।
କଦାପି ଲୁଣ ଦାନ କରନ୍ତୁ ନାହିଁ। ଲୁଣ ଦାନ ଦେବା ଦ୍ୱାରା ମା’ଲକ୍ଷ୍ମୀ କ୍ରୋଧ କରିଥାଆନ୍ତି। ଧନର ଅଭାବ ଲାଗି ରହିଥାଏ।
ପ୍ଲାଷ୍ଟିକ୍, ଷ୍ଟିଲ୍ ଓ ଆଲୁମିନିୟମ କିମ୍ବା ଏଥିରୁ ତିଆରି ଜିନିଷ କଦାପି ଦାନ ଦେବା ଉଚିତ୍ ନୁହେଁ। ଏସବୁ ଜିନିଷର ଦାନ ଦେବା ଦ୍ୱାରା ଅଶୁଭ ହୋଇଥାଏ। କର୍ମକ୍ଷେତ୍ରରେ ବାଧା ସହ ବ୍ୟବସାୟରେ କ୍ଷତି ହୋଇଥାଏ। ପରିବାରରୁ ସୁଖଶାନ୍ତି ଦୂର ହୋଇଥାଏ।
ଅନେକ ସମୟରେ ଏପରି ଦେଖାଯାଏ, ଲୋକେ ବିଭିନ୍ନ ଧାର୍ମିକ ପୁସ୍ତକ ଦାନ ଦେଇଥାଆନ୍ତି। ମାତ୍ର ଏପରି କରିବା ଦ୍ୱାରା ଘରେ ର୍ଦୁଭାଗ୍ୟ ପ୍ରବେଶ କରିଥାଏ।
Comments are closed.