ଭୁବନେଶ୍ଵର : ଅନେକ ସମୟରେ ଡିଜେ ଗାଡି ଯୋଗୁଁ ବହୁ ଅଘଟଣ ଘଟିଥାଏ। କେଉଁଠି ଡିଜେ ଶଦ୍ଦ ପରିବେଶକୁ ବିଶୃଙ୍ଖଳିତ କରୁଛି ତ ଆଉ କେଉଁଠି ବିଦ୍ୟୁତ୍ ତାର ଲାଗି ଜୀବନ ଯାଉଛି। ଏସବୁ ଅଘଟଣକୁ ଏଡାଇବା ଲାଗି ସରକାର ଡିଜେ ଗାଡି ଉପରେ ଅଙ୍କୁଶ ଲଗାଇଛନ୍ତି। ମୋଟର ଯାନର ବେଆଇନ ଢାଞ୍ଚା ପରିବର୍ତ୍ତନ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ବାଣିଜ୍ୟ ପରିବହନ ମନ୍ତ୍ରୀଙ୍କ ନିର୍ଦେଶରେ ସର୍କୁଲାର୍ ଜାରି ହୋଇଛି। ନିଦ୍ଧିଷ୍ଟ ଆଲୋକ, ଉଚ୍ଚତାରେ ପରିବର୍ତ୍ତନ ହେବନାହିଁ। ନଚେତ୍ ମୋଟର ଯାନ ଆଇନ୍ ଅନୁଯାୟୀ ଆରସି, ଫିଟନେସ୍ ବାତିଲ ହେବା ସହ ଜରିମାନା ମଧ୍ୟ ଦେବାକୁ ପଡିବ।ସେହିପରି ଯାନରେ ଡିଜେ ସିଷ୍ଟମ, ଆମ୍ପ୍ଲିଫାୟର୍, ମିକ୍ସର, ଲେଜର ଲାଇଟ୍ କଣ୍ଟ୍ରୋଲର୍ ବେଆଇନ । ସାର୍ବଜନୀନ ସ୍ଥାନରେ ବେଆଇନ ବ୍ୟବହାର ବିରୋଧରେ ବି ଚେତାବନୀ ଦିଆଯାଇଛି । ଡିଜେ ଗାଡ଼ିର ଶବ୍ଦ, ଆଲୋକ ଅନ୍ୟ ସଡ଼କ ବ୍ୟବହାରକାରୀଙ୍କ ପାଇଁ ବିପଦ । ତେଣୁ ଲୋକଙ୍କ ସୁରକ୍ଷା ପାଇଁ ଏହି ଅସୁରକ୍ଷିତ ଡିଜେ ଗାଡ଼ିକୁ ରୋକିବା ଆବଶ୍ୟକ । ଏ ନେଇ ସମସ୍ତ ଆର୍ଟିଓ ଙ୍କୁ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଏସ୍ଟିଏ ନିର୍ଦେଶ ଦେଇଛି। ଡିଜେ ଗାଡି ଜବତ କରିବା ସହ ଆଇନଗତ କାର୍ଯ୍ୟାନୁଷ୍ଠାନ ନେବା ଲାଗି ନିର୍ଦେଶ ଦିଆଯାଇଛି।
Popular Categories
Previous article
Next article