ଖୁଣ୍ଟା/ବାଲେଶ୍ବର: ଡୁକୁରା ରେଞ୍ଜ ଅନ୍ତର୍ଗତ ଶିମିଳିପାଳର ଡିଗିଡ଼ିଗା ସେକ୍ସନର କକରପାଣି ଜଙ୍ଗଲକୁ ଶୁକ୍ରବାର ସକାଳେ ପତ୍ର ଆଣିବାକୁ ଯାଇଥିବା ଜନୈକା ମହିଳାଙ୍କ ମୃତଦହ ଉଦ୍ଧାର ହୋଇଛି । ହାତୀ ଦଳିଦେବାରୁ ତାଙ୍କର ଶୋଚନୀୟ ମୃତ୍ୟୁ ଘଟିଥିବା ବନବିଭାଗ ପକ୍ଷରୁ ପ୍ରକାଶ । ମହିଳା ଜଣଙ୍କ ହେଉଛନ୍ତି ବାରିପଦା ସଦର ଥାନା ଅନ୍ତର୍ଗତ ରଙ୍ଗାମାଟିଆ ଗ୍ରାମର ନାଥ ସିଂଙ୍କ ପତ୍ନୀ ରଥମଣି ସିଂ।
ସେହିପରି ରେମୁଣା ଥାନା ବାଲଗୋପାଲପୁର ଅଞ୍ଚଳରେ ଭଡା ଘରୁ ଯୁବକଙ୍କ ଗଳିତ ଶବ ଉଦ୍ଧାର ହୋଇଛି । ଯୁବକଙ୍କ ଘର ଔପଦା ନୂଆଗାଁରେ ବୋଲି ଜଣାପଡିଛି । ସେ ଇମାମି ପେପର ମିଲରେ ଟ୍ରାନ୍ସପୋର୍ଟ ଠିକା ନେଇଥିବା କମ୍ପାନୀରେ କାମ କରନ୍ତି । ତେବେ ଏହା ଆତ୍ମହତ୍ୟା କିମ୍ବା କେହି ଦୁର୍ବୃତ୍ତ ତାଙ୍କୁ ମାରି ଟାଙ୍ଗି ଦେଇଛି ତାହା ଏଯାବତ୍ ସ୍ପଷ୍ଟ ହୋଇନାହିଁ ।