ଡେସ୍କ: ଓଡ଼ିଶା ଲଳିତ କଳା ଏକାଡେମୀ ତରଫରୁ ୨୦୨୩ ମସିହା ପାଇଁ ଧର୍ମପଦ ପୁରସ୍କାର ଓ ଶିଳ୍ପୀ ସମ୍ବର୍ଦ୍ଧନା ରାଜ୍ୟର ବୟୋଜ୍ୟେଷ୍ଠ ଶିଳ୍ପୀମାନଙ୍କୁ ପ୍ରଦାନ କରାଯିବ। ଏଥିପାଇଁ ରାଜ୍ୟର ବିଭିନ୍ନ ସାଂସ୍କୃତିକ ତଥା ଚିତ୍ରକଳା ଅନୁଷ୍ଠାନ, ଜିଲ୍ଲା ସଂସ୍କୃତି ଅଧିକାରୀ ଓ ରାଜ୍ୟର ଶିଳ୍ପୀମାନଙ୍କଠାରୁ ଏକାଡେମୀ ପ୍ରସ୍ତାବ ଆହ୍ବାନ କରିଛି।
ସୂଚନା ଅନୁଯାୟୀ, ଆବେଦନକାରୀ ଶିଳ୍ପୀଙ୍କର ବୟସ ତା.୦୧.୦୧.୨୦୨୩ରିଖ ସୁଦ୍ଧା ୬୦ ବର୍ଷରୁ ଊର୍ଦ୍ଧ୍ବ ହୋଇଥିବା ଆବଶ୍ୟକ। ପ୍ରସ୍ତାବକାରୀ ନିଜର ନାମ କିମ୍ବା ଅନ୍ୟ ଶିଳ୍ପୀଙ୍କ ନାମ, ଜନ୍ମତାରିଖ, ସଂକ୍ଷିପ୍ତ ଜୀବନୀ, ପ୍ରମାଣପତ୍ର ସହ ଆସନ୍ତା ଅଗଷ୍ଟ ୩୦ ତାରିଖ ମଧ୍ୟରେ ସଚିବ, ଓଡ଼ିଶା ଲଳିତ କଳା ଏକାଡେମୀ, ସଂସ୍କୃତି ଭବନ, ଭୁବନେଶ୍ବର ୭୫୧୦୧୪ କିମ୍ବା ଇମେଲ – odishalka1962@gmail.com ଜରିଆରେ ପଠାଇ ପାରିବେ।
