ଧାମରା: ଧାମରା ନିକଟସ୍ଥ ବାଂଶଡା ବଜାର ଠାରେ ସରକାରୀ ଜମିକୁ ଜବରଦଖଲ କରି ରଖିଥିବା ବ୍ୟବସାୟୀଙ୍କୁ ଆଜି ଚାନ୍ଦବାଲି ତହସିଲ ପକ୍ଷରୁ ଉଚ୍ଛେଦ କରାଯାଇଛି। ମିଳିଥିବା ଖବର ଅନୁଯାୟୀ ବାଂଶଡା ବଜାର ଦିନକୁ ଦିନ ସଂକୁଚିତ ହୋଇଯାଉଥିବା ସହ ଏହି ବଜାର ଦେଇ ଯାଇଥିବା ରାଜରାସ୍ତାକୁ ମଧ୍ୟ ଜବରଦଖଲ କାରୀ ନିଜ ଦଖଲରେ ରଖିଥିଲେ।
ଏ ନେଇ ଚାନ୍ଦବାଲି ତହସିଲ ପକ୍ଷରୁ ଜବରଦଖଲ କାରୀ ମାନଙ୍କୁ ସରକାରୀ ଜମିରୁ ହଟିଯିବା ପାଇଁ ନୋଟିସ ଜାରୀ କରାଯାଇଥିଲା। ଆଜି ସକାଳ ୯ଟା ଚାନ୍ଦବାଲି ତହସିଲଦାର ସୁଶାନ୍ତ ସୂତାର, ଚାନ୍ଦବାଲି ତହସିଲର ପୂର୍ବତନ ସୁପରଭାଇଜର ଦାଶରଥି ଦାସ ଆସି ପହଂଚିଥିବା ବେଳେ ବାଂଶଡା ଥାନାଧିକାରୀ ବଲ୍ଲଭ ସାହୁଙ୍କ ତରଫରୁ ଫୋର୍ସ ମୁତୟନ କରାଯାଇ ବାଂଶଡା ବଜାରକୁ ସଂପୂର୍ଣ ଜବର ଦଖଲ ମୁକ୍ତ କରାଯାଇଥିଲା। ଏହି ଜବର ଦଖଲ ଉଚ୍ଛେଦ ପରେ ବାଂଶଡା-ଧାମରା ରାସ୍ତା ଗ୍ରାମ୍ୟ ଉନ୍ନୟନ ବିଭାଗ ତରଫରୁ ସଂପୂର୍ଣ ଭାବେ ମରାମତି କରାଯିବ ବୋଲି ବିଭାଗୀୟ ଅଧିକାରୀଙ୍କ ନିକଟରୁ ପ୍ରକାଶ ପାଇଛି।
Comments are closed.