ଧାମରା: ଧାମରାଇ ଉଚ୍ଚତର ମାଧ୍ୟମିକ ବିଦ୍ୟାଳୟରେ ରେଡକ୍ରସ ପକ୍ଷରୁ ଏକ ସଚେତନତା ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ଉଚ୍ଚତର ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ପ୍ରଭାତ କୁମାର ଦାସ ପ୍ରଦ୍ୱୀପ ପ୍ରଜ୍ୱଳନ କରି ଶିବିରକୁ ଉଦଘାଟନ କରିଥିଲେ। ହୋଇଥିବା ଶିବିରରେ ଜିଲ୍ଲା ରେଡକ୍ରସ ସଂଯୋଜକ ଗୋପାଳ ପ୍ରସାଦ ମହାପାତ୍ର ମୁଖ୍ୟ ଅତିଥି ଭାବେ ଯୋଗଦାନ କରି ରେଡକ୍ରସ ଇତିହାସର ବର୍ଣ୍ଣନା କରିବା ସହ ଅନେକ ପ୍ରେରଣା ଦାୟି ଉଦବୋଧନ ପ୍ରଦାନ କରିଥିଲେ। ଧାମରାଇ ଉଚ୍ଚତର ମାଧ୍ୟମିକ ବିଦ୍ୟାଳୟର ରେଡକ୍ରସ କାଉନସିଲର ଲକ୍ଷ୍ମୀଧର ବେହେରା ସ୍ୱାଗତ ଭାଷଣ ସହ ଏହି ଶିବିର ଆୟୋଜନର ଉଦ୍ଦେଶ୍ୟ ସମ୍ପର୍କରେ ଧାରଣା ଦେଇଥିଲେ। ବିଦ୍ୟାଳୟର ଅଧ୍ୟାପକ ବିଜୟ କୁମାର ସାହୁ, ନିଶାକର ପାତ୍ର, ବିଜୟ କୁମାର ରାଉତ, ରାଜେନ୍ଦ୍ର ନାରାୟଣ ରାଉତ, ମାନଓ ରଞନ ଦାସ ପ୍ରମୁଖ ଶିବିରରେ ଉପସ୍ଥିତ ରହି ନିଜର ବକ୍ତବ୍ୟ ପ୍ରଦାନ କରିଥିଲେ। ବିଦ୍ୟାଳୟର ଛାତ୍ରଛାତ୍ରୀ ସ୍ୱାଗତ ସଙ୍ଗୀତ ଗାନ କରିଥିଲେ। ଶିବିରରେ ଉଚ୍ଚତର ମାଧ୍ୟମିକ ବିଦ୍ୟାଳୟର ୧୫୦ଜଣ ଛାତ୍ରଛାତ୍ରୀ ଯୋଗଦାନ ଅବସରରେ +୨ କଳାର ଦ୍ୱିତୀୟ ବର୍ଷର ଛାତ୍ରୀ ମିତାରାଣୀ ଲେଙ୍କାକୁ ଏ ବର୍ଷର ଶ୍ରେଷ୍ଠ ସ୍ୱେଚ୍ଛାସେବୀ ପୁରସ୍କାର ପ୍ରଦାନ କରାଯାଇଥିଲା। ଶେଷରେ ବିଦ୍ୟାଳୟର ଅଧ୍ୟକ୍ଷ ଶିବିରାର୍ଥୀ ମାନଙ୍କୁ ସ୍ୱେଚ୍ଛାସେବୀ ଭାବରେ ସମାଜର ମଙ୍ଗଳ ଦିଗରେ କାର୍ଯ୍ୟ କରିବାର ଶପଥ ପାଠ କରାଇବା ସହ ଧଣ୍ୟବାଦ ପୂର୍ବକ ଶିବିର ଉଦଯାପିତ କରିଥିଲେ।
Popular Categories
Previous article
Next article