ଫୁଲବାଣୀ : କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବନାଞ୍ଚଳ ସିମନବାଡ଼ି ସେକ୍ସନ ନାହୁଡ଼ିସରୁ ଗ୍ରାମ ନିକଟ ପାଡାବାଲି ପାହାଡ଼ରେ ବୁଲୁଛି ଏକ ଦନ୍ତା ହାତୀ । ଫଳରେ ଭୟଭୀତ ହୋଇରହିଛନ୍ତି ଗ୍ରାମବାସୀ । ଖବର ପାଇ ଦାରିଙ୍ଗବାଡ଼ି ବନାଞ୍ଚଳ ଅଧିକାରୀ ସତିଶ ଧାରୁଆ ଓ ବାଲିଗୁଡା ଡିଏଫଓ ବିଶ୍ୱରାଜ୍ ପଣ୍ଡା ପ୍ରମୁଖ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିବା ସହିତ ଲୋକଙ୍କୁ ଘରୁ ନ ବାହାରିବା ପାଇଁ ପରାମର୍ଶ ଦେଇଛନ୍ତି । ଅନ୍ୟ ପକ୍ଷରେ ଗତ ୧୫ବର୍ଷ ତଳେ ୨୦୦୯ ମସିହାରେ ନାହୁଡ଼ିସରୁ ଗାଁରେ ହାତୀ ଉପଦ୍ରବ କରି ଗାଁର ଜଣେ ମହିଳାଙ୍କୁ ଘର ଭିତରେ ଦଳି ମାରି ଦେଇଥିଲା, ଯାହାକୁ ଗାଁ ଲୋକେ ଆଜି ଯାଏଁ ଭୁଲିପାରିନାହାଁନ୍ତି । ଯଥାଶୀଘ୍ର ହାତୀକୁ ଘଉଡ଼ାଇବା ପାଇଁ ପ୍ରଶାସନ ନିକଟରେ ଅନୁରୋଧ କରିଛନ୍ତି ଗ୍ରାମବାସୀ ।
Comments are closed.