ସାମୂହିକ ବିବାହର ଆୟୋଜନ କଲେ ଅମ୍ବାନୀ ପରିବାର, ନବଦମ୍ପତ୍ତିଙ୍କୁ ଦେଲେ..
![](https://samajalive.in/wp-content/uploads/2024/07/snake-4-1-750x430.png)
ମୁମ୍ବାଇ : ଅମ୍ବାନୀ ପରିବାର ପକ୍ଷରୁ ମୁମ୍ବାଇଠାରୁ ପ୍ରାୟ ୧୦୦ କିଲୋମିଟର ଦୂରରେ ଥିବା ପାଲଘର ଅଞ୍ଚଳରେ ବଞ୍ଚିତ ବର୍ଗର ୫୦ରୁ ଅଧିକ ନବଦମ୍ପତିଙ୍କ ପାଇଁ ଏକ ଗଣବିବାହ ଆୟୋଜନ କରାଯାଇଛି । ନଭିମୁମ୍ବାଇ ସ୍ଥିତ ରିଲାଏନ୍ସ କର୍ପୋରେଟ ପାର୍କରେ ଅନୁଷ୍ଠିତ ଏହି ଗଣବିବାହ କାର୍ଯ୍ୟକ୍ରମରେ ନବଦମ୍ପତିଙ୍କ ପରିବାରର ପ୍ରାୟ ୮୦୦ ପ୍ରତିନିଧି ସାମିଲ ହୋଇଥିଲେ। ଏହି କାର୍ଯ୍ୟକ୍ରମରେ ନିତା ଅମ୍ବାନୀ ଓ ମୁକେଶ ଅମ୍ବାନୀ ପରିବାର ସଦସ୍ୟଙ୍କ ସହିତ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ଏବଂ ନବଦମ୍ପତିଙ୍କୁ ହୃଦୟରୁ ଶୁଭେଚ୍ଛା ଜଣାଇ ଶୁଭ ଉତ୍ସବରେ ଯୋଡି ହୋଇଥିଲେ। ଶୁଭେଚ୍ଛା ସ୍ୱରୂପ ପ୍ରତ୍ୟେକ ଦମ୍ପତିଙ୍କୁ ମଙ୍ଗଳସୂତ୍ର, ବିବାହ ମୁଦି ଓ ନାକ ରିଙ୍ଗ ସମେତ ବିଭିନ୍ନ ସୁନା ଅଳଙ୍କାର ଏବଂ ଗୋଡ ମୁଦି ଓ ପାଉଁଜି ଭଳି ବିଭିନ୍ନ ରୂପା ଅଳଙ୍କାର ପ୍ରଦାନ କରାଯାଇଥିଲା।
ଏଥିସହ ପ୍ରତ୍ୟେକ ନବବଧୂଙ୍କୁ ସ୍ତ୍ରୀଧନ ଭାବରେ ଏକ ଲକ୍ଷ ଏକ ହଜାର ଟଙ୍କାର ଚେକ୍ ପ୍ରଦାନ କରାଯାଇଥିଲା। ପ୍ରତ୍ୟେକ ଦମ୍ପତିଙ୍କୁ ଏକ ବର୍ଷ ପାଇଁ ପର୍ଯ୍ୟାପ୍ତ ପରିମାଣର ଗ୍ରୋସରୀ, ଖାଦ୍ୟ ସାମଗ୍ରୀ, ଘରକରଣା ସାମଗ୍ରୀ ସହିତ ବାସନକୁସନ, ଗ୍ୟାସ୍ ଚୁଲା, ମିକ୍ସର୍, ଫ୍ୟାନ୍, ଗଦି ଏବଂ ତକିଆ ସମେତ ୩୬ ଅତ୍ୟାବଶ୍ୟକ ସାମଗ୍ରୀ ପ୍ରଦାନ କରାଯାଇଥିଲା । ଏହି ବିବାହ ଉତ୍ସବରେ ବର ଏବଂ କନ୍ୟାଙ୍କ ପରିବାର ସଦସ୍ୟ, ସ୍ଥାନୀୟ ସାମାଜିକ କର୍ମୀ ଏବଂ ସମ୍ପ୍ରଦାୟର ସଦସ୍ୟଙ୍କ ସମେତ ୮୦୦ ରୁ ଅଧିକ ଲୋକ ଯୋଗ ଦେଇଥିଲେ।
Comments are closed.