ଧାମରା : ବାଂଶଡା ଥାନା ଅର୍ନ୍ତଗତ ନଳଗୋହିରା ୧୪୯ ନଂ ବୁଥରେ ନିର୍ବାଚନ ଅଧିକାରୀ ଶାସକ ଦଳକୁ ଭୋଟ ଦେବାକୁ କହି ହଟହଟା ହେବାକୁ ପଡିଛି। ସୂଚନା ଅନୁସାରେ ସୋମବାର ମତଦାନ ଚାଲିଥିବା ବେଳେ ସେହି ଗ୍ରାମର କିଛି ବୃଦ୍ଧ ଏବଂ ବୃଦ୍ଧା ଏହି କେନ୍ଦ୍ରକୁ ଭୋଟ ଦେବାକୁ ଆସିଥିଲେ। ବୁଥ ଦାୟିତ୍ୱରେ ଥିବା ସେହି ଗ୍ରାମର ଶିକ୍ଷକ ଉମେଶ ଭୋଇ ଭୋଟରଙ୍କୁ ଶାସକ ଦଳରେ ଭୋଟ ଦେବାକୁ ଖୋଲାଖୋଲି ଭାବରେ କହିଥିଲେ। ଏହାକୁ ନେଇ ସାଧାରଣରେ ତୀବ୍ର ପ୍ରତିକ୍ରିୟା ଦେଖାଦେବା ସହ ଉମେଶ ଭୋଇଙ୍କୁ ସାଧାରଣ ଜନତା ଘୋଷାରି ତାଙ୍କ ସାର୍ଟକୁ ଚିରି ଦେଇଥିଲେ। ପରେ ସେଠାରେ ଉପସ୍ଥିତ ଥିବା ସୁରକ୍ଷା କର୍ମଚାରୀ ଜନତାଙ୍କ ଠାରୁ ତାଙ୍କୁ ମୁକୁଳାଇଥିଲେ। ଜଣେ ନିର୍ବାଚନ ଅଧିକାରୀ ଭାବରେ କିପରି ଲୋକ ମାନଙ୍କୁ ଶାସକ ଦଳରେ ଭୋଟ ଦେବାକୁ ପ୍ରବର୍ତାଇଥିଲେ ତାହାର ବିଦ୍ଧିବଦ୍ଧ ତଦନ୍ତ ହେବା ଜରୁରୀ ବୋଲି ଗ୍ରାମବାସୀ ଦାବି ଜଣାଇଛନ୍ତି।
Popular Categories
Previous article
Next article