ଧାମରା: ଧାମରା ନିକଟସ୍ଥ ଗୁଆଁଶୋଳଠାରେ ଓମଫେଡ(ବାମୁଲ) ପକ୍ଷରୁ ଏକ ଦୁଗ୍ଧ ଶୀତଳୀକରଣ କେନ୍ଦ୍ର ଉଦଘାଟିତ ହୋଇଯାଇଛି। ଭଦ୍ରକର ପୂର୍ବତନ ଜିଲାପାଳ ଡ. ହୃଷିକେଶ ପଣ୍ଡା ପଦ୍ବୀପ ପ୍ରଜ୍ବଳନ ପୂର୍ବକ ଏହି ଶୀତଳୀକରଣ କେନ୍ଦ୍ରକୁ ଫିତା କାଟି ଉଦଘାଟନ କରିଥିଲେ। ସେ ନିଜ ବକ୍ତବ୍ୟରେ ଗ୍ରାମାଞ୍ଚଳ ମହିଳାମାନଙ୍କୁ ସ୍ୱାବଲମ୍ବୀ କରିବାକୁ ଓମଫେଡର ଏହି ପ୍ରୟାସ ଓଡ଼ିଶା ଭଳି ରାଜ୍ୟରେ ଦୁଗ୍ଧର ବନ୍ୟା ସୃଷ୍ଟି କରିବ। ଫଳରେ ମହିଳାମାନେ ସ୍ୱାବଲମ୍ବୀ ହେବା ସହ ସେମାନଙ୍କର ଆର୍ଥିକ ପରିସ୍ଥିତିରେ ମଧ୍ୟ ସୁଧାର ଆସିବ ବୋଲି କହିଛନ୍ତି। ଆଜିର ଏହି ଉଦଘାଟନୀ ଉତ୍ସବରେ ଓମଫେଡର ସାଧାରଣ ପରିଚାଳକ ରଶ୍ମିରେଖା ବିନ୍ଧାଣି, ମହିଳା ସମବାୟ ସମିତିର ସମ୍ପାଦିକା ବିଳାସିନୀ ତରେଇ, ସଭାନେତ୍ରୀ ସରିତା ମଲିକ, ବନିତା ବେହେରା, ଉର୍ବଶୀ ପରିଡା, ଉର୍ମିଳା ମାଝୀ, ତିଲୋତମା ତରେଇଙ୍କ ସମେତ ଦୁଗ୍ଧ ଚାଷୀ ସମବାୟ ସମିତିର ୩ଶହରୁ ଊର୍ଦ୍ଧ୍ବ ଚାଷୀ ଯୋଗ ଦେଇଥିଲେ। ସରକାରଙ୍କ ପକ୍ଷରୁ ପ୍ରୋତ୍ସାହନ ମିଳିଲେ ଛୋଟ ଛୋଟ ଚାଷୀ ସ୍ୱାବଲମ୍ବୀ ହେବା ଶହ ଦେଶର ଆର୍ଥିକ ପ୍ରଗତିରେ ଉନ୍ନତି ଆଣିବାରେ ସହାୟକ ହେବେ ବୋଲି ମତ ପ୍ରକାଶ ପାଇଥିଲା।
Comments are closed.