ଫୁଲବାଣୀ :ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗର ଅତିରିକ୍ତ ତହସିଲଦାର ଦିଲ୍ଲିପ କୁମାର ବେହେରାଙ୍କ ଅଧ୍ୟକ୍ଷତାରେ କରଡ଼ା ପଞ୍ଚାୟତର ବରିମୁଣ୍ଡା ଓ ନିତିବାଡି ଗ୍ରାମର ୬୯ ଜଣଙ୍କୁ ଜଙ୍ଗଲ ଜମି ପଟ୍ଟା ପ୍ରଦାନ କରାଯାଇଛି। ଜଙ୍ଗଲ ଜମିରେ ନିଜର ଜୀବନ ଜୀବିକାରେ ଉନ୍ନତି ଏବଂ ପଟ୍ଟା ବଣ୍ଟନ କାର୍ଯ୍ୟକ୍ରମର ଉଦ୍ଦେଶ୍ୟ ବିଷୟରେ ଅବଗତ କରାଯିବା ସହିତ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗର ବିଭିନ୍ନ ଯୋଜନା ସୁବିଧା ଗୁଡିକ ଉପରେ ଆଲୋକପାତ କରାଯାଇଥିଲା। ଗୋଷ୍ଠିଗତ ଅଧିକାର ଓ ଗୋଷ୍ଠୀ ଜଙ୍ଗଲ ସମ୍ବଳ ଅଧିକାର ଓ ଜଙ୍ଗଲ ସୁପରିଚାଳନା ପାଇଁ ବିଭିନ୍ନ ପଦକ୍ଷେପ ଗ୍ରହଣ କରିବା ପାଇଁ ଅବଗତ କରାଯାଇଥିଲା।କାର୍ଯ୍ୟକ୍ରମରେ ସରପଞ୍ଚ ସାନୁଜ ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗର ସୁପରଭାଇଜର ଗୋଲକ ବିହାରୀ ସାମନ୍ତ ସିଂହାର କର, ରାଜସ୍ବ ନୀରିକ୍ଷକ ଶଙ୍କର ପ୍ରସାଦ ମେହେର ସମେତ ଏଫ୍ ଆର୍ ସେଲ୍ ସଂଯୋଜକ ଗଣେଶ ପ୍ରଧାନ ଓ ବସୁନ୍ଧରା ସଂଯୋଜକ ହୃଷିକେଶ ପ୍ରଧାନ ଯୋଗଦେଇଥିଲେ।
Comments are closed.