ଗୋପାଳପୁର: ଗୋପାଳପୁର ବେଳାଭୂମିକୁ ସୌନ୍ଦର୍ଯ୍ୟ କରଣ କରି ଅଧିକରୁ ଅଧିକ ପର୍ଯ୍ୟଟକ ଆକୃଷ୍ଟ କରିବା ଲକ୍ଷ୍ୟରେ ଗଞ୍ଜାମ ଜିଲ୍ଲାପାଳ ଦିବ୍ୟ ଜ୍ୟୋତି ପରିଡ଼ା ତଦାରଖ କରିଥିବା ଦେଖିବାକୁ ମିଳିଛି। ଗୋପାଳପୁର ଭାରତ ମାନଚିତ୍ରରେ ଏକ ପର୍ଯ୍ୟଟନ ସ୍ଥଳ ହୋଇଥିବାରୁ ତାହାକୁ ନଜରରେ ରଖି ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ବେଳାଭୂମି ଶିଶୁ ଉଦ୍ୟାନ ପାର୍କ ବେଳାଭୂମି ଠାରୁ ଇକୋ ରିଟ୍ରିଟ ପର୍ଯ୍ୟନ୍ତ ବେଳାଭୂମିରେ ବହୁ ସୌନ୍ଦର୍ଯ୍ୟମୂଳକ କାର୍ଯ୍ୟ କରାଯିବା ସହ ଏଥିରେ ପର୍ଯ୍ୟଟକଙ୍କ ନିମନ୍ତେ ଶୌଚାଳୟ ନିର୍ମାଣ କରାଯିବ ସହ ଯାତାୟତ ପାଇଁ ରାସ୍ତା, ପାର୍କିଂ ବ୍ୟବସ୍ଥା, ବସିବା, ଖାଇବା, ଜଳବାୟୁକୁ ଖାପ ଖାଇବା ଭଳି ଗଛ ଲଗାଇବା, ବିଶୁଦ୍ଧ ପାନୀୟ ଜଳ ବ୍ୟବସ୍ଥା, ଆଲୋକୀ କରଣ ଆଦି ଉପରେ ଉପସ୍ଥିତ ଅଧିକାରୀ ମାନଙ୍କ ସହ ଆଲୋଚନା କରିଥିଲେ। ଏ ନେଇ ଜିଲ୍ଲାପାଳଙ୍କ ସହ ଯୋଗାଯୋଗ ବେଳେ ଗୋପାଳପୁର ବେଳାଭୂମିକୁ କିପରି ଅଧିକ ପର୍ଯ୍ୟଟକ ଆକୃଷ୍ଟ ହେବେ ଏବଂ ରାଜସ୍ୱ ମିଳିବ ସେଥି ପ୍ରତି ଦୃଷ୍ଟି ଦିଆଯିବ ବୋଲି କହିଛନ୍ତି। ତଦାରଖ ବେଳେ ବ୍ରହ୍ମପୁର ଉପ ଜିଲ୍ଲାପାଳ ଦିନା ଦସ୍ତଗିର, ଡୁଡ଼ା ପିଡି ରବୀନ୍ଦ୍ର କୁମାର ପଟେଲ, ଗୋପାଳପୁର ଏନ ଏ ସି କାର୍ଯ୍ୟନିର୍ବାହୀ ଅଧିକାରୀ ପ୍ରମୋଦ କୁମାର ପାଢ଼ୀ, ଯନ୍ତ୍ରୀ ମନଜିତା ରଥ, ବ୍ରହ୍ମପୁର ବି ଡ଼ି ଏ କର୍ତୃପକ୍ଷ, ଗୋପାଳପୁର ରାଜସ୍ୱ ନିରୀକ୍ଷକ କର୍ମଚାରୀ ପ୍ରମୁଖ ଉପସ୍ଥିତ ଥିଲେ।
Comments are closed.