ନୂଆଦିଲ୍ଲୀ : ଓୟୋ ରୁମ୍ ନିଜ ଚେକ୍ ଇନ୍ ନିୟମରେ ପରିବର୍ତ୍ତନ କରିଛି । ହୋଟେଲ ଏବଂ ଟ୍ରାଭେଲ ବୁକିଂ କରୁଥିବା କମ୍ପାନୀ ଓୟୋ ନିଜ ଗ୍ରାହକଙ୍କୁ ବଡ ଝଟକା ଦେଇ ଚେକ୍ ଇନ୍ ନିୟମରେ ପରିବର୍ତ୍ତନ ଆଣିଛି । ଏଣିକି କେବଳ ବିବାହିତ ଦମ୍ପତିଙ୍କୁ ଚେକ୍-ଇନର ଅନୁମତି ମିଳିବ ।
ଓୟୋ ପାର୍ଟନର ହୋଟେଲଗୁଡିକ ପାଇଁ ନୂଆ ଚେକ୍-ଇନ୍ ପଲିସି ନେଇଆସିଛି । ନୂଆ ନିୟମ ଅନୁସାରେ ଅବିବାହିତ ଦମ୍ପତିଙ୍କୁ ହୋଟେଲରେ ଚେକ୍-ଇନ୍ କରିବା ପାଇଁ ଅନୁମତି ମିଳିବନି । କମ୍ପାନୀ ମିରଟରେ ଏହି ନୂଆ ନିୟମ ଆରମ୍ଭ କରିଦେଇଛି । ଧିରେ ଧିରେ ସାରା ଦେଶରେ ଏହି ନିୟମ ଲାଗୁ କରିବ କମ୍ପାନୀ ।
ହୋଟେଲ ରୁମରେ ଚେକ୍-ଇନ୍ କରିବା ସମୟରେ ସମସ୍ତଙ୍କୁ ଏଣିକି ଉଭୟଙ୍କ ସମ୍ପର୍କର ବୈଧ ପ୍ରମାଣପତ୍ର ଦେଖାଇବାକୁ ପଡିବ । ଅନଲାଇନରେ କରାଯାଇଥିବା ବୁକିଂରେ ମଧ୍ୟ ଏହି ନିୟମ ଲାଗୁ ହେବ । କମ୍ପାନୀ କହିଛି କି ସମସ୍ତଙ୍କ ବ୍ୟକ୍ତିଗତ ସ୍ବାଧୀନତାକୁ ସମ୍ମାନ କରାଯାଉଛି କିନ୍ତୁ ସମାଜ ପାଇଁ କିଛି କର୍ତ୍ତବ୍ୟ ମଧ୍ୟ ରହିଛି । ଆଗକୁ ମଧ୍ୟ ଆଉ କିଛି ନିୟମର ସମୀକ୍ଷା କରିବ ବୋଲି କମ୍ପାନୀ ସୂଚନା ଦେଇଛି ।
Comments are closed.