ଧାମରା ଅଞ୍ଚଳରେ ଶିକ୍ଷା ସଚେତନତା ରଥ, ସଭିଏ ପଢନ୍ତୁ ସଭିଏ ବଢନ୍ତୁ

ଧାମରା: ଚାନ୍ଦବାଲି ବ୍ଲକ ସମଗ୍ର ଶିକ୍ଷା ଅଭିଯାନ ତରଫରୁ ଧାମରା ନିକଟସ୍ଥ କଇଥଖୋଲା ଠାରେ ଥିବା ସୁକଚାନ୍ଦ ମାନ୍ନା ସରକାରୀ ଉପ୍ରା ବିଦ୍ୟାଳୟରୁ ଶିକ୍ଷା ସଚେତନତା ରଥର ଶୁଭାରମ୍ଭ କରାଯାଇଛି। ସହକାରୀ ଜିଲା ଶିକ୍ଷାଧିକାରୀ ପ୍ରଣୟ କୁମାର ନାୟକ, ବିଆରସିସି କମଳାକାନ୍ତ ନାୟକଙ୍କ ତତ୍ତ୍ବାବଧାନରେ ଧାମରା ଅଞ୍ଚଳରେ ଏହି ରଥକୁ କରଞ୍ଜମାଳ ସିଆରସିସି ଅନୁପ କୁମାର ଦାସ, ଦୋସିଙ୍ଗା ସିଆରସିସି ଧନପତି ମାନ୍ନା, କରଣପଲ୍ଲୀ ସିଆରସିସି ଗୋରାଚାନ୍ଦ ମାଝୀ, ଧାମରା ସିଆରସିସି ଅଭିମନ୍ୟୁ ନାୟକ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ। ଦୀର୍ଘ ୨ବର୍ଷର କରୋନା କଟକଣା ପରେ ବିଦ୍ୟାଳୟ ଉପସ୍ଥାନ ଶତ ପ୍ରତିଶତ କରାଇବା, ଅଧାରୁ ପାଠ ଛାଡିଥିବା ପିଲାଙ୍କୁ ବିଦ୍ୟାଳୟକୁ ଫେରାଇ ଆଣିବା ଏହି କାର୍ଯ୍ୟକ୍ରମର ଉଦେଶ୍ୟ ବୋଲି ସିଆରସିସି ଅନୁପ କୁମାର ଦାସ ସୂଚନା ଦେଇଥିଲେ। ଏହି ଅଭିଯାନରେ ବ୍ଲକ ଶିକ୍ଷା ବିଭାଗର ସମସ୍ତ କର୍ମକର୍ତ୍ତାଙ୍କ ସହିତ ଏବିଇଓ କୁନ୍ଦଲତା ମିଶ୍ର, ଅନୀତା ମିଶ୍ର ମଧ୍ୟ ସାମିଲ ଥିଲେ। ଏହି ରଥ ଦୋସିଙ୍ଗା ଉଚ୍ଚ ବିଦ୍ୟାପୀଠରେ ପହଂଚିବା ପରେ ଛାତ୍ରଛାତ୍ରୀ ମାନଙ୍କ ଦ୍ୱାରା ଏହି ରଥକୁ ସ୍ୱାଗତ କରାଯିବା ସହ କିପରି ସର୍ବସାଧାରଣ ମାନଙ୍କୁ ସଚେତନା କରାଯିବ ସେଥିପାଇଁ ଏକ କାର୍ଯ୍ୟକ୍ରମ ପ୍ରସ୍ତୁତ କରାଯାଇଥିଲା।

ଏହି କାର୍ଯ୍ୟକ୍ରମରେ ଦୋସିଙ୍ଗା ଉଚ୍ଚ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ସୁକୁମାର ଜେନା ମୁଖ୍ୟ ପୁରୋଧା ସାଜିଥିବା ବେଳେ ଅନ୍ୟ ମାନଙ୍କ ମଧ୍ୟରେ ବିଷ୍ନୁ ପଦ ମାଇତି,ଏସଏମସି ଚେୟାରମେନ ମମତା ବାଳା ସେଠୀ ପ୍ରମୁଖ ଉପସ୍ଥିତ ଥିଲେ।ପରେ ଏହି ରଥ ଧାମରା କ୍ଲଷ୍ଟର ଏବଂ କରଣପଲ୍ଲୀ କ୍ଲଷ୍ଟରର ସମସ୍ତ ବିଦ୍ୟାଳୟ ପରିକ୍ରମା କରିବା ଧାମରା ଅଂଚଳର ସମସ୍ତ ଜନସାଧାରଣଙ୍କ ସଚେତନତା କରାଯାଇଥିଲା। ଆଜିର ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଅବସର ପ୍ରାପ୍ତ ଶିକ୍ଷକ ବସନ୍ତ ରାଉତ, ପ୍ରାଣକୃଷ୍ଣ ଓଝା, ରବୀନ୍ଦ୍ର ଦଳେଇ, ମାନିକ ଦାସ, ବନବିହାରୀ ସିଂ, ବଳରାମ ଦାସ, ରାଜେନ୍ଦ୍ର ରାଉଳ, ବିକାଶ ମାଳି, ରଞ୍ଜିତ ଜେନା, ତ୍ରିନାଥ ସାହୁ, ଜୟନ୍ତୀମଣି ପରିଡା, କମଳିନୀ ଦାସ, କାମିନୀଲତା ବଳ, ଅର୍ଣ୍ଣପୂର୍ଣ୍ଣା ମହାରଣା, ସସ୍ମିତା ଦୁଆରୀ, ମମତା ମଞ୍ଜରୀ ମଳିକ ପ୍ରମୁଖ ଉହି କାର୍ଯ୍ୟକ୍ରମରେ ସାମିଲ ଥିଲେ।

Comments are closed.