ଝାରସୁଗୁଡା ଉପ ନିର୍ବାଚନ ନବୀନ ପଟ୍ଟନାୟକଙ୍କ ଠାରୁ ବିଜେଡି ଟିକେଟ୍‌ ନେଲେ ଦୀପାଳି ଦାସ

ଭୁବନେଶ୍ୱର – ଝାରସୁଗୁଡା ବିଧାନସଭା ଉପ ନିର୍ବାଚନ ପାଇଁ ନବୀନ ନିବାସରୁ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଠାରୁ ଦୀପାଳି ଦାସ ଦଳୀୟ ଟିକେଟ ଗ୍ରହଣ କରିଛନ୍ତି । ଦୀପାଳିଙ୍କ ସହ ତାଙ୍କ ଭାଇ ବିଶାଲ ଦାସ , ବରିଷ୍ଠ ବିଜେଡି ନେତା ଦେବୀ ମିଶ୍ର ଏବଂ ପ୍ରଣବ ପ୍ରକାଶ ଦାସ ପ୍ରମୁଖ ଏହି ସମୟରେ ଉପସ୍ଥିତ ଥିଲେ । ସେ ଝାରସୁଗୁଡାର ବିକାଶକୁ ଆହୁରି ତ୍ୱରାନିତ୍ୱ କରିବେ ବୋଲି କହିଛନ୍ତି ।

ବିଜେଡି ଶାସନ ବେଳେ ଝାରସୁଗୁଡାରେ ବିକାଶ ହୋଇଛି ବୋଲି ସେ କହିଛନ୍ତି । ବିମାନ ବନ୍ଦର ସହ ଅନେକ ନୂତନ ପ୍ରକଳ୍ପ କାର୍ଯ୍ୟକାରୀ ହୋଇଥିବା ଦୀପାଳି ଦାସ ସୂଚନା ଦେଇଛନ୍ତି । ମନ୍ତ୍ରୀ ନବ ଦାସଙ୍କ ହତ୍ୟା ପରେ ଏହି ବିଧାନସଭା ଆସନ ଖାଲି ପଡିଥିଲା । ଆସନ୍ତା ୧୮ ତାରିଖରେ ଦୀପାଳିଦାସ ପ୍ରାର୍ଥୀପତ୍ର ଦାଖଲ କରିବେ ବୋଲି ସୂଚନା ମିଳିଛି ।

Comments are closed.