ନବରଙ୍ଗପୁର : ତିରିମାରେ ଗାଁରେ ଏକ ଅଘଟଣ ଘଟିଛି। ଗାଁରେ ଥିବା ଏକ ବଡ଼ଖାଲରେ ବୁଡ଼ି ୨ ଜଣ ବାଳକଙ୍କର ମୃତ୍ୟୁ ହୋଇଛି। ସୂଚନା ଅନୁଯାୟୀ ଗ୍ରାମରେ ଏକ ବଡ଼ ଖାଲରେ ପାଣି ଭର୍ତ୍ତି ହୋଇଥିଲା। ଦିନ ୧୦ଟା ବେଳକୁ ୩ ଜଣ ବାଳକ ଏହି ଖାଲକୁ ଯାଇ ବୁଡ଼ି ଯାଇଥିଲେ। ଖାଲକୁ ଯିବାର କାରଣ ସ୍ପଷ୍ଟ ଭାବେ ଜଣାପଡ଼ିନି। ୩ ଜଣଙ୍କ ମଧ୍ୟରୁ ୨ ଜଣଙ୍କର ମୃତ୍ୟୁ ହୋଇଛି। ଜଣଙ୍କୁ ଉଦ୍ଧାର କରାଯାଇ ନବରଙ୍ଗପୁର ଜିଲା ଡ଼ାକ୍ତରଖାନାକୁ ନିଆଯାଇଛି। ମୃତକ ୨ ଜଣ ହେଲେ ସନ୍ତୋଷ ବିଶୋଇଙ୍କ ପୁଅ ନିଶିକାନ୍ତ ବିଶୋଇ, ଲକ୍ଷ୍ମଣ ବିଶୋଇଙ୍କ ପୁଅ ତୁଷାରକାନ୍ତ ବିଶେଇ। ଚିକିତ୍ସାଧିନ ଅବସ୍ଥାରେ ଥିବା ବାଳକ ଜଣକ ହେଉଛନ୍ତି ରାଜେଶ ବିଶୋଇଙ୍କ ପୁଅ ଶିବା ବିଶୋଇ। ଘଟଣାଟି ପାଇଁ ସ୍ଥାନୀୟ ଅଞ୍ଚଳରେ ଦୁଃଖର ବାତାବରଣ ସୃଷ୍ଟି ହୋଇଛି।
