ଦାରିଙ୍ଗବାଡି/ବ୍ରାହ୍ମଣୀଗାଁ – ବିଷଧର ସାପ କାମୁଡ଼ାରେ ଜଣେ ମହିଳାଙ୍କର ମୃତ୍ୟୁ ହୋଇଛି । ଦାରିଙ୍ଗବାଡି ଥାନା ଅନ୍ତର୍ଗତ କୁମ୍ଭାରମୁଣ୍ଡା ଗ୍ରାମର କଲୋନୀ ସାହିର ରାଜେଶ ଦିଗାଳଙ୍କ ସ୍ତ୍ରୀ କସ୍ପିତା ଦିଗାଳଙ୍କର ଗତ ରାତିରେ ବିଷଧର ସର୍ପ ଦଂଶନ ଯୋଗୁଁ ମୃତ୍ୟୁ ହୋଇଥିବା ସୂଚନା ମିଳିଛି।
ସୂଚନା ଅନୁସାରେ, ମୃତକ ମହିଳା ଜଣକ ଗତ ରାତିରେ ନିଜ ପରିବାର ସହ ଘର ଭିତରେ ସୋଇଥିବା ସମୟରେ ରାତି ପ୍ରାୟ ୭ଟା ସମୟରେ ବିଷଧର ସାପ ତାଙ୍କ ବାମହାତକୁ ଚୋଟ ମାରିଥିଲା , କସ୍ପିତା ଦିଗାଳ ଜାଣିପାରି ନିଜ ପରିବାର ଲୋକଙ୍କୁ ଜଣାଇଥିଲେ ,ପରିବାର ଲୋକେ ରାତ୍ରରେ ସ୍ବାସ୍ଥ୍ୟ କେନ୍ଦ୍ରକୁ ନଯାଇ ଘରେ ଚେରମୂଳୀ ଚିକିତ୍ସା କରିଥିଲେ, ହେଲେ କସ୍ପିତା ଦିଗାଳ ଅବସ୍ଥା ଗୁରୁତ୍ୱର ହେବାରୁ ପରିବାର ଲୋକେ ଗ୍ରାମବାସୀଙ୍କ ସହାୟତାରେ ଦାରିଙ୍ଗବାଡି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ଥିଲେ , ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । କସ୍ପିତା ଦିଗାଳଙ୍କର ଦୁଇଟି ଝିଅ ଓ ଗୋଟିଏ ପୁଅ ଅସହାୟ ହୋଇ ପଡ଼ିଛନ୍ତି । ସରକାରୀ ସହାୟତା ଯୋଗାଇ ଦେବାକୁ ପରିବାର ଲୋକଙ୍କ ସହିତ ଗ୍ରାମବାସୀ ଦାବି କରିଛନ୍ତି।
Comments are closed.