ସମ୍ବଲପୁର : ଗତ ଡିସେମ୍ବର ୨୭ ରୁ ୩୦ ତାରିଖ ପର୍ଯ୍ୟନ୍ତ ଆଇଆଇଟି ମୁମ୍ବାଇ ଠାରେ ଅନୁଷ୍ଠିତ ଅଖିଳ ଭାରତ ବିଶ୍ୱବିଦ୍ୟାଳୟ ଓ ମହାବିଦ୍ୟାଳୟ ସ୍ତରୀୟ ମଡର୍ଣ୍ଣ ଡ୍ୟାନ୍ସ ପ୍ରତିଯୋଗିତାରେ ଓଡିଆ ଝିଅ ଲଳିତା ପଟେଲ ତୃତୀୟ ସ୍ଥାନ ଅଧିକାର କରି ରାଜ୍ୟ ପାଇଁ ସୁନାମ ଅର୍ଜନ କରିଛନ୍ତି। ଦିଲ୍ଲୀ ବିଶ୍ୱବିଦ୍ୟାଳୟର ଡ. ଜାକୀର ହୁସେନ ମହାବିଦ୍ୟାଳୟରେ ଅଧ୍ୟୟନରତ ଓଡିଆ ଛାତ୍ରୀ ଲଳିତା ଏମ. ଆଇ ଦି ବେଷ୍ଟ (ମୁଡ ଇଣ୍ଡିଆ) ପ୍ରତିଯୋଗୀତାରେ ସର୍ବଭାରତୀୟ ସ୍ତରରେ ଏହି କୃତିତ୍ୱ ଅର୍ଜନ କରିଛନ୍ତି। ନୃତ୍ୟ ପ୍ରତି ପିଲାଦିନରୁ ଆସକ୍ତି ରହିଥିବା ଲଳିତା ଏହା ପୂର୍ବରୁ ଗତ ଅକ୍ଟୋବର ୨୦୧୮ ଆଇଆଇଟି, ରୁରକି ଠାରେ ଅନୁଷ୍ଠିତ ‘ଥମସୋ ଫେଷ୍ଟ’ରେ ପ୍ରଥମ ସ୍ଥାନ ଅଧିକାର କରିଥିଲେ। ଲଳିତାଙ୍କର ଏହି ସଫଳତା ପାଇଁ ତାଙ୍କ ପାଖକୁ ଏବେ ଶୁଭେଚ୍ଛାର ସୁଅ ଛୁଟିଛି।
