ଆଠଗଡ : ଆଠଗଡ ଥାନା ଅନ୍ତର୍ଗତ ବୀରକିଶୋରପୁର ନିକଟବର୍ତ୍ତୀ ଶୀତଳଭଣ୍ଡାର ପଛପାଖରେ ଗତ ୨୦୧୫ମସିହାରେ ଜଳଧର ସାହୁୁ ନାମକ ଜଣେ ଗାଡିଚାଳକଙ୍କୁ କଟୁରୀରେ ହାଣି ହତ୍ୟା କରାଯାଇଥିଲା । ଏହି ହତ୍ୟାକାଣ୍ଡରେ ସଂପୃକ୍ତ ଜଣେ ଅଭିଯୁକ୍ତକୁ ଗିରଫ କରାଯାଇଥିବାବେଳେ ମୁଖ୍ୟ ଅଭିଯୁକ୍ତ ସେହିଦିନଠାରୁ ଫରାର ହୋଇଯାଇଥିଲା । ତେଣୁ ପୁଲିସ ମୁଖ୍ୟ ଅଭିିଯୁକ୍ତ ବୀରକିଶୋରପୁରର ଭାଗୀ ବେହେରାଙ୍କ ପୁଅ ମିଲନ ବେହେରାକୁ ବହୁ ଖୋଜାଖୋଜି ପରେ ମଧ୍ୟ ଗିରଫ କରିପାରିନଥିଲା । ତେବେ କୌଣସି ସୁତ୍ରରୁ ଖବର ପାଇ ଆଠଗଡ ଥାନାର ଭାରପ୍ରାପ୍ତ ଆଇଆଇସି ବିଶ୍ୱଜିତ୍ ଜେନା ମିଲନକୁ ରବିବାର ସକାଳେ ଚାନ୍ଦବାଲିଛକରୁ ଗିରଫ କରିଥିବା ଜଣାପଡିଛି । ଗିରଫ ମିଲନକୁ ରବିବାର କୋର୍ଟ ଚାଲାଣ କରାଯାଇଥିବା ଆଠଗଡ ପୁଲିସ ପକ୍ଷରୁ ସୂଚନା ମିଳିଛି।
Comments are closed.