ଗୁରୁଡିଝାଟିଆ : ବିଜ୍ଞାନ ପୃଥିବୀକୁ ପରିବାରରେ ପରିଣତ କରି ମଣିଷର ଜୀବନଶୈଳୀକୁ ସରସ ସୁନ୍ଦର କରିପାରିଛି । ବିଶ୍ୱର ସମାସ୍ୟାକୁ ହାତମୁଠାରେ ସମାଧାନ କରି ନିଜ ପାରିବା ପଣିଆର ନିଦର୍ଶନ ଦେଖାଇଛି। ଏହା ସବୁ ବିଜ୍ଞାନ ପାଇଁ ହିଁ ସମ୍ଭବ। ଏହି ଭାବଧାରାକୁ ଅଧିକ ରୁଦ୍ଧିମନ୍ତ କରି ବିଦ୍ୟାର୍ଥୀମାନଙ୍କୁ ଅନୁସନ୍ଧିତ୍ସୁ ଦିଗରେ ଗଢିତୋଳିବାର ଆବଶ୍ୟକତା ରହିଛି ବୋଲି ଖୁଣ୍ଟୁଣୀ ସରସ୍ୱତୀ ଶିଶୁମନ୍ଦିରର ବିଜ୍ଞାନ ମେଳାକୁ ମୁଖ୍ୟ ଅତିଥି ଭାବରେ ଉଦଘାଟନ କରି ସମାଜସେବୀ ମାନସ ବସ୍ତିଆ ଏହି ମତପ୍ରକାଶ କରିଛନ୍ତି।
ବିଦ୍ୟାଳୟର ବିଜ୍ଞାନ ଶିକ୍ଷକ ରତିକାନ୍ତ ସାମଲଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ବିଜ୍ଞାନ ମେଳାରେ କୁନି ବିଜ୍ଞାନୀ ମାନେ ୧୧୦ଟି ପ୍ରକଳ୍ପ କରିଥିଲେ। ବିଚାରକ ଭାବରେ ରମେଣ ଚନ୍ଦ୍ର ଦାସ, ନୃସିଂହ ବେହେରା, ସଂଜୟ ବେହେରା ଓ ସୁକାନ୍ତ ସାହୁ ପ୍ରକଳ୍ପ ଗୁଡିକର ମୂଲ୍ୟାୟନ କରିଥିଲେ । ବିଦ୍ୟାଳୟ ପରିଚଳାନା କମିଟି ସଭାପତି ବିକ୍ରମାନନ୍ଦ ବସ୍ତିଆ, ସଂପାଦକ ବିପିନ ବିହାରୀ ପ୍ରଧାନ ଓ ପ୍ରଧାନ ଆଚାର୍ଯ୍ୟ ସୁବାସ ରାଉଳ ଓ ସାମ୍ବାଦିକ ସଚିଦାନନ୍ଦ ପଣ୍ଡା ଅତିଥି ଭାବରେ ଯୋଗଦେଇ ବିଦ୍ୟାର୍ଥୀମାନଙ୍କୁ ବିଜ୍ଞାନ ଦିଗରେ ଅଧିକ ଗୁରୁତ୍ୱ ଦେବାକୁ କହିଥିଲେ । ବିଦ୍ୟାଳୟର ସମସ୍ତ ଗୁରୁଜୀ, ଗୁରୁମା ଉପସ୍ଥିତ ରହି ବିଜ୍ଞାନ ମେଳାରେ ସକ୍ରିୟ ସହଯୋଗ କରିଥିଲେ । ବରିଷ୍ଠ ଶିକ୍ଷୟିତ୍ରୀ ସସ୍ମୀତା ରାଣୀ ସାମଲ ଧନ୍ୟବାଦ ଅର୍ପଣ କରିଥିଲେ।
Comments are closed.