କଟକ : କଟକ ବାରବାଟୀରେ ଟିକେଟ୍ ବିକ୍ରି ପାଇଁ ଅସମ୍ଭାଳ ଭିଡ ସହ ଠେଲାପେଲା, ଧସ୍ତାଧସ୍ତି ପରିସ୍ଥିତି ବୁଧବାର ସୃଷ୍ଟି ହୋଇଛି। ଭିଡକୁ ନିୟନ୍ତ୍ରଣ କରିବା ପାଇଁ ପୁଲିସ ନାକେଦମ୍ ହୋଇଛି। ଭିଡ ଅସମ୍ଭାଳ ହୋଇ ଲୋକେ ଟିକେଟ୍ କାଉଣ୍ଟର ଛାତ ଉପରକୁ ଚଢି ଯାଇଛନ୍ତି। ଖରା କାରଣରୁ କିଛି ଲୋକେ ଚେତାଶୂନ୍ୟ ହୋଇଛନ୍ତି। ପାଣି, ବାହାରକୁ ବାହାରିବାର ସଠିକ୍ ବ୍ୟବସ୍ଥା ହୋଇଥିବା ଲୋକେ ଅଭିଯୋଗ କରିଛନ୍ତି। ଘଟଣାସ୍ଥଳରେ ନିଜେ ଡିସିପିଙ୍କ ସହ ପୁଲିସକର୍ମୀ ଭିଡ ନିୟନ୍ତ୍ରଣ କରିବାକୁ ନୟାନ୍ତ ହୋଇପଡିଛନ୍ତି। ଲୋକେ ସନ୍ଧ୍ୟାରୁ ଲାଇନ୍ରେ ଠିଆ ହୋଇ ଏଯାଏଁ ଟିକେଟ୍ ମିିଳିନଥିବା କ୍ରିକେଟ୍ ପ୍ରେମୀ କହିଛନ୍ତି। ଅସମ୍ଭାଳ ଭିଡ ପାଇଁ ବିଭିନ୍ନ ମହଲରେ ଅସନ୍ତୋଷ ଦେଖାଦେଇଛି।
- Advertisement -
