ନୂଆଦିଲ୍ଲୀ : ଦେଶରେ କୋଭିଡ୍ ଆରୋଗ୍ୟ ହାର ୯୫.୮୨ ପ୍ରତିଶତକୁ ବୃଦ୍ଧି ପାଇଛି। ଗତ ୨୪ଘଣ୍ଟା ମଧ୍ୟରେ ୨୧ହଜାର ୪୦୦ ସଂକ୍ରମିତ ଆରୋଗ୍ୟଲାଭ କରିଛନ୍ତି। ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଏଥିସହିତ କୋଭିଡ୍ରୁ ଆରୋଗ୍ୟଙ୍କ ସଂଖ୍ୟା ୯୭ଲକ୍ଷ ୬୧ ହଜାର ୫୦୦ରେ ପହଞ୍ଚିଛି। ଦେଶରେ ବର୍ତ୍ତମାନ ୨ଲକ୍ଷ ୭୮ହଜାର ୬୦୦ ସକ୍ରିୟ ଆକ୍ରାନ୍ତ ଚିକିତ୍ସିତ ହେଉଛନ୍ତି।
ଗତ ୨୪ଘଣ୍ଟା ଭିତରେ ୧୮ହଜାର ୭୦୦ ନୂତନ ସଂକ୍ରମିତ ଚିହ୍ନଟ ହୋଇଛନ୍ତି। ଏଥିସହିତ ମୋଟ୍ ସଂକ୍ରମଣ ୧ କୋଟି ୧ଲକ୍ଷ ୮୭ହଜାର ୮୦୦ ହୋଇଛି। ମନ୍ତ୍ରଣାଳୟ କହିଛି କୋଭିଡ୍ର ମୁକାବିଲା ପାଇଁ ସରକାରଙ୍କ ନୀତିର ସଠିକ୍ କାର୍ଯ୍ୟକାରୀତା ଯୋଗୁଁ ଆରୋଗ୍ୟହାର ବୃଦ୍ଧି ପାଇବା ସହ ମୃତ୍ୟୁହାର ହ୍ରାସ ପାଇବାରେ ଲାଗିଛି। ଗତ ୨୪ ଘଣ୍ଟା ମଧ୍ୟରେ ୨୭୯ଜଣଙ୍କର ମୃତ୍ୟୁ ଘଟିବାରୁ କୋବିଡ୍ ମୃତ୍ୟୁସଂଖ୍ୟା ୧ ଲକ୍ଷ ୪୭ହଜାର ୬୦୦ରେ ପହଞ୍ଚିଛି।
ଆଇସିଏମ୍ଆର୍ କହିଛି ଗତ ୨୪ଘଣ୍ଟା ମଧ୍ୟରେ ୯ଲକ୍ଷ ୪୩ହଜାର ୩୦୦ ନମୂନା ପରୀକ୍ଷା କରାଯାଇଛି। ଏହାକୁ ମିଶାଇ ମୋଟ୍ ୧୬କୋଟି ୮୧ଲକ୍ଷ ୨ହଜାର ୬୦୦ ନମୂନା ପରୀକ୍ଷା କରାଯାଇଛି।
ଆରୋଗ୍ୟ ହାର ୯୫.୮୨ ପ୍ରତିଶତ : ସକ୍ରିୟ ଆକ୍ରାନ୍ତ ୨ଲକ୍ଷ ୭୮ହଜାର ୬୦୦
Popular Categories
Previous article
Next article