ନୂଆଦିଲ୍ଲୀ : ଦେଶରେ କରୋନା ସଂକ୍ରମଣ ଦିନେ ହ୍ରାସ ହେଉଥିବା ବେଳେ ଦିନେ ବୃଦ୍ଧି ହେଉଛି। ପୂର୍ବ କିଛି ଦିନ ତୁଳନାରେ ୨୪ ଘଣ୍ଟାରେ ଆକ୍ରାନ୍ତଙ୍କ ସଂଖ୍ୟା ହ୍ରାସ ହୋଇଛି। ଦିନକରେ ଆଉ ୧୬,୮୬୬ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ମୋଟ ସଂକ୍ରମିତଙ୍କ ସଂଖ୍ୟା ୪,୩୯,୦୫,୬୨୧କୁ ବୃଦ୍ଧି ପାଇଛି। ସଂକ୍ରମଣ ସାମାନ୍ୟ ହ୍ରାସ ହୋଇଥିଲେ ମଧ୍ୟ ବର୍ତ୍ତମାନ ଏବେ ମଧ୍ୟ ଏହା ସ୍ୱାସ୍ଥ୍ୟ ବିଶେଷଜ୍ଞଙ୍କ ଚିନ୍ତାର କାରଣ ପାଲଟିଛି। ସେହିପରି ଆଉ ୧୮,୧୪୮ ଆକ୍ରାନ୍ତ ସୁସ୍ଥ ହୋଇ ଥିବା ବେଳେ ମୋଟ ୪,୩୨,୨୮,୬୭୦ ସୁସ୍ଥ ହୋଇ ଘରକୁ ଫେରିଛନ୍ତି।
ରିପୋର୍ଟ ଅନୁଯାୟୀ, ଦେଶରେ ୧୬୮ ଦିନ ପରେ ସଂକ୍ରମଣ ହାର ସାତ ପ୍ରତିଶତ ପାର୍ ହୋଇଛି। ସ୍ୱାସ୍ଥ୍ୟ ମନ୍ତ୍ରାଳୟ ଅନୁଯାୟୀ, ଦୈନିକ ସଂକ୍ରମଣ ହାର ୭.୦୩ ପ୍ରତିଶତ ଜାରି କରାଯାଇଛି। ସପ୍ତାହିକ ସଂକ୍ରମଣ ହାର ୪.୪୯ ବୋଲି ଜଣାପଡିଛି। ଆରୋଗ୍ୟ ହାର ୯୮.୪୬%। ଚିିକିତ୍ସାଧୀନ ଅବସ୍ଥାରେ ଆଉ ୪୧ ଆକ୍ରାନ୍ତଙ୍କ ମୃତ୍ୟୁ ଘଟିଥିବା ବେଳେ ମୋଟ କରୋନା ଜନିତ ମୃତ୍ୟୁ ସଂଖ୍ୟା ୫,୨୬,୦୭୪ରେ ପହଞ୍ଚିଛି। ମୃତ୍ୟୁହାର ୧.୨୦%। ଆଉ ୧,୫୦,୮୭୭ ସକ୍ରିୟ ଆକ୍ରାନ୍ତ ଚିିକିତ୍ସାଧୀନ ଅବସ୍ଥାରେ ରହିଥିବା ବେଳେ ସକ୍ରିୟ ଆକ୍ରାନ୍ତ ହାର ୦.୩୪%। ଦିନକ ଆଗରୁ ୨,୩୯,୭୫୧ ନମୁନା ପରୀକ୍ଷା କରାଯାଇଥିବା ବେଳେ ମୋଟ ୮୭,୨୭,୫୯,୮୧୫ ନମୁନା ପରୀକ୍ଷା କରାଯାଇଛି। ସେହିପରି ୨୪ ଘଣ୍ଟାରେ ୧୬,୮୨,୩୯୦ ଟିକା ନେଇଥିବା ବେଳେ ମୋଟ ୨,୦୨,୧୭,୬୬,୬୧୫ ଟିକାକରଣ କରାଯାଇଛି। ଆଜି ମଧ୍ୟାହ୍ନ ପର୍ଯ୍ୟନ୍ତ ୧୩,୭୯,୭୩୮ ଟିକାକରଣ କରାଯାଇଛି। ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ଟ୍ୱିଟ ଯୋଗେ ସୂଚନା ମିଳିଛି।
Comments are closed.