ଚେନ୍ନାଇ: ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜେ. ଜୟଲଲିତାଙ୍କ ସ୍ମାରକୀର ସୁରକ୍ଷା ଦାୟିତ୍ୱରେ ନିଯୁକ୍ତ ଥିବା ଜଣେ କନଷ୍ଟେବଳ ରବିବାର ସକାଳେ ଆତ୍ମହତ୍ୟା କରିଛନ୍ତି। ମୃତ ଅରୁଣରାଜ ୨୦୧୩ ବ୍ୟାଚ୍ କନଷ୍ଟେବଳ ଥିଲେ। ତାଙ୍କୁ ଅନ୍ୟ ୩ ପୁଲିସ କର୍ମଚାରୀଙ୍କ ସହିତ ଜୟଲଲିତାଙ୍କ ସ୍ମାରକୀ ନିକଟରେ ମୁତୟନ କରାଯାଇଥିଲା। ସେ ଏକ .୩୦୩ ବନ୍ଧୁକ ଧରିଥିଲେ। ରବିବାର ୪ଟା ୫୫ରେ ଏଠାରେ ମୁତୟନ ଅନ୍ୟ କନଷ୍ଟେବଳମାନେ ଗୁଳି ଶବ୍ଦ ଶୁଣିଥିଲେ। ପରେ ଅରୁଣରାଜଙ୍କୁ ସେମାନେ ରକ୍ତାକ୍ତ ଅବସ୍ଥାରେ ସ୍ମାରକୀ ପରିସରସ୍ଥ ପୋଖରୀରେ ପଡିଥିବା ଦେଖିଥିଲେ। ଅରୁଣରାଜ ନିଜ ବେକକୁ ଗୁଳି ମାରିଥିଲେ। ତାଙ୍କୁ ତୁରନ୍ତ ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ନେଇ ତଦନ୍ତ ଜାରି ରହିଛି ବୋଲି ପୁଲିସ ପ୍ରକାଶ କରିଛି।
