ପାଲେଷ୍ଟାଇନ୍‌କୁ କଂଗ୍ରେସର ସମର୍ଥନ! ଯୁଦ୍ଧ ବିରତି ପାଇଁ ଆହ୍ୱାନ

ନୂଆଦିଲ୍ଲୀ – ସୋମବାରରେ କଂଗ୍ରେସ କାର୍ଯ୍ୟକାରିଣୀ ବୈଠକରେ ଇସ୍ରାଏଲ୍‌ ଏବଂ ପାଲେଷ୍ଟାଇନ୍‌ ମଧ୍ୟରେ ଚାଲିଥିବା ଯୁଦ୍ଧରେ ପାଲେଷ୍ଟାଇନ୍‌ର ଦାବିକୁ ସମର୍ଥନ ପ୍ରଦାନ କରାଯାଇଛି । ଏହି ବୈଠକ ପରେ କଂଗ୍ରେସ ପକ୍ଷରୁ ଜାରି କରାଯାଇଥିବା ବିବୃତିରେ କଂଗ୍ରେସ ଇସ୍ରାଏଲ୍‌ର ଲୋକଙ୍କ ଉପରେ ହୋଇଥିବା ଆକ୍ରମଣକୁ ନିନ୍ଦା କରିବା ସହ ପାଲେଷ୍ଟାଇନ୍‌ ଲୋକଙ୍କ ଅଧିକାର ଏବଂ ଦାବିକୁ ଦଳ ପକ୍ଷରୁ ସବୁବେଳେ ବିଶ୍ୱାସ କରାଯାଇଥିବା ବେଳେ ଜାତୀୟ ସୁରକ୍ଷାକୁ ଦୃଷ୍ଟି ରଖି ପାଲେଷ୍ଟାଇନ୍‌ ଏବଂ ଇସ୍ରାଏଲ୍‌ର ଲୋକମାନେ ଶାନ୍ତିପୂର୍ଣ୍ଣ କଥାବାର୍ତ୍ତା ମାଧ୍ୟମରେ ଏହି ବିବାଦର ଅନ୍ତ କରନ୍ତୁ ବୋଲି କୁହାଯାଇଛି । ତୁରନ୍ତ ଯୁଦ୍ଧ ବିରତି ଘୋଷଣା ପାଇଁ ଦଳ ପକ୍ଷରୁ ଅପିଲ୍‌ କରାଯାଇଛି ।

The Indian National Congress condemns the brutal attacks on the people of Israel.

Violence of any type never provides a solution and must stop. pic.twitter.com/LzXGf3PAz9

— Congress (@INCIndia) October 8, 2023

ଟ୍ୱିଟରେ ଦଳ ପକ୍ଷରୁ ଏ ନେଇ ଏକ ପୋଷ୍ଟ କରାଯାଇଛି । ଇସ୍ରାଏଲ୍‌ର ଉପରେ ଆକ୍ରମଣ ଏବଂ ଏହାର ନାଗରିକମାନଙ୍କୁ ହତ୍ୟା ତଥା ମହିଳା ଏଂବ ଶିଶୁଙ୍କୁ ପାଲେଷ୍ଟାଇନ୍‌ର ହାମାସ ଆତଙ୍କବାଦୀ ସଂଗଠନ ପକ୍ଷରୁ ଅପହରଣ ପରେ ଇସ୍ରାଏଲ୍‌ ପକ୍ଷରୁ ଯୁଦ୍ଧ ଘୋଷଣା କରାଯାଇଛି । ଏବେ ପାଲେଷ୍ଟାଇନ୍‌ ଏବଂ ଇସ୍ରାଏଲ୍‌ ଉଭୟ ପକ୍ଷରୁ ଘନ ଘନ ରକେଟ୍‌ ମାଡ କରାଯାଉଛି । ଇସ୍ରାଏଲ୍‌ର ୮୦୦ରୁ ଅଧିକ ନାଗରିକଙ୍କ ହତ୍ୟା କରାଯାଇଥିବା ବେଳେ ଏବେ ବି ଶହ ଶହ ନାଗରିକ ନିଖୋଜ ଅଛନ୍ତି ।

ଏହି ଯୁଦ୍ଧରେ ଏବେ ୧୨୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିବା ବେଳେ ଏବେ ଭୟାବହ ଯୁଦ୍ଧ ପରିସ୍ଥିତି ଦେଖା ଦେଇଛି । ଇସ୍ରାଏଲ୍‌କୁ ଏବେ ଆମେରିକା ସହ ବିଭିନ୍ନ ୟୁରୋପୀୟ ଦେଶର ସମର୍ଥନ ମିଳିଥିବା ବେଳେ ପାଲେଷ୍ଟାଇନ୍‌କୁ ଇରାନ୍‌ ସହ ଲେବାନନ୍‌ ତଥା ଅନ୍ୟ କେତକ ରାଷ୍ଟ୍ର ସମର୍ଥନ କରାଯାଇଛି ।