MEllora 950×100

ସରକାର ତୁରନ୍ତ ଡ୍ରାଇଭରଭାଇ ମାନଙ୍କ ଦାବି ପୂରଣ କରନ୍ତୁ-ଶରତ ପଟ୍ଟନାୟକ

ଭୁବନେଶ୍ୱର: ରାଜ୍ୟରେ ଡ୍ରାଇଭର ବନ୍ଧୁମାନଙ୍କ ଷ୍ଟିଅରିଂ ଛାଡ଼ ଆନ୍ଦୋଳନ ଦୁଇଦିନ ହେଲା ଚାଲିଛି। ସାରା ଓଡ଼ିଶାର ଲୋକେ ଯାତାୟାତ ପାଇଁ ନାନା ଅସୁବିଧାର ସମ୍ମୁଖୀନ ହେଉଛନ୍ତି। ପରିବହନ ବନ୍ଦ ହେଉଥିବା ଯୋଗୁ ଏହା ସାଧାରଣ ଜବଜୀବନକୁ ପ୍ରଭାବିତ କରିଛି। ତେଲ ଟାଙ୍କିରେ ତେଲ ସରିଲାଣି। ପନିପରିବା ଦର ବଢ଼ିବାରେ ଲାଗିଛି। ଫଳତଃ ଖାଉଟି ଯନ୍ତ୍ରଣା ବଢ଼ିବାରେ ଲାଗିଛି। ଅଧିକ ଦିନ ଧର୍ମଘଟ ଚାଲୁ ରହିଲେ ପରିସ୍ଥିତି ଅଣାୟତ୍ତ ହୋଇଯିବ।

ରାଜ୍ୟ ସରକାର ମୁଖ୍ୟମନ୍ତ୍ରୀ ଜନସାଧାରଣଙ୍କ ଦୁର୍ଦ୍ଦଶା ପ୍ରତି ସଚେତନ ହୋଇ ଡ୍ରାଇଭରଭାଇମାନଙ୍କ ସମସ୍ୟା ଆଲୋଚନା ଜରିଆରେ ତୁରନ୍ତ ସମାଧାନ କରନ୍ତୁ। ବିଧାନସଭାରେ କଂଗ୍ରେସ ତରଫରୁ ବିଧାୟକ ଦଳ ନେତା ନରସିଂହ ମିଶ୍ର ଏହି ପ୍ରସଙ୍ଗ ଗୃହରେ ଉଠାଇ ସରକାରଙ୍କ ହସ୍ତକ୍ଷେପ ଦାବି କରିଛନ୍ତି। ମୋର ବିଶ୍ୱାସ ସମସ୍ୟାର ଗମ୍ଭୀରତା ହୃଦୟଙ୍ଗମ କରି ଯଥୋଚିତ ପଦକ୍ଷେପ ଗ୍ରହଣ କରିବେ।

Comments are closed.