ଭୋପାଳ : କନଷ୍ଟେବଳ ନିଯୁକ୍ତି ପାଇଁ ଡାକ୍ତରୀ ପରୀକ୍ଷା ବେଳେ ଅନୁସୂଚିତ ଜାତି ଓ ଜନଜାତି ବର୍ଗର ପ୍ରାର୍ଥୀଙ୍କୁ ଚିହ୍ନଟ ପାଇଁ ସେମାନଙ୍କ ଛାତିରେ ଏସସି/ଏସଟି ଲେଖାଯିବାକୁ ନେଇ ବିବାଦ ଦେଖାଯାଇଛି। ମଧ୍ୟପ୍ରଦେଶର ଧାର ଜିଲା ପୁଲିସ ଏସ୍ପି ବୀରେନ୍ଦ୍ର ସିଂହଙ୍କ ଏପରି କାର୍ଯ୍ୟକୁ ନେଇ ବିବାଦ ଦେଖାଯାଇଥିବାବେଳେ ଏହାକୁ ସେ ସ୍ୱୀକାର କରିବା ସହ ଯଥାର୍ଥ ଦର୍ଶାଇଛନ୍ତି। ଶ୍ରୀ ସିଂହ କହିଛନ୍ତି ଯେ ସାଧାରଣ ବର୍ଗ ଓ ଏସସି/ଏସଟି ପ୍ରାର୍ଥୀଙ୍କୁ ଚିହ୍ନଟରେ ଦ୍ୱନ୍ଦ୍ୱ ଉପୁଜିବାରୁ ଏପରି କରାଯାଇଥିଲା। ଏହା ଦ୍ୱାରା କନଷ୍ଟେବଳଙ୍କ ଡାକ୍ତରୀ ପରୀକ୍ଷା ସହଜ ଓ ତ୍ୱରିତ ହୋଇପାରିଥିଲା। ଏହା ପଛରେ କୌଣସି ମନ୍ଦ ଉଦ୍ଦେଶ୍ୟ ନାହିଁ। ସାଧାରଣ ବର୍ଗର ପ୍ରାର୍ଥୀଙ୍କ ପାଇଁ ଉଚ୍ଚତା ମାପ ୧୬୮ ସେମି ରହିଥିବାବେଳେ ଏସସି/ଏସଟି କ୍ଷେତ୍ରରେ ଉଚ୍ଚତା ୧୬୫ ସେମି ରହିଛି। ତେଣୁ ଯୋଗ୍ୟ ଅଯୋଗ୍ୟ ପ୍ରାର୍ଥୀ ବାଛିବା କ୍ଷେତ୍ରରେ ସୃଷ୍ଟି ହେଉଥିବା ଦ୍ୱନ୍ଦ୍ୱକୁ ଦୂର ପାଇଁ ଛାତିରେ ସେମାନଙ୍କ ବର୍ଗ ଲେଖି ଦିଆଯାଇଥିଲା। ଏ ବାବଦରେ କୌଣସି ପ୍ରାର୍ଥୀ କିଛି ଅଭିଯୋଗ କରି ନଥିବା ଏସପି କହିଛନ୍ତି।
Popular Categories
Previous article
Next article