ଶୋଇବା ଘରୁ ୫ଫୁଟର ନାଗସାପ ଉଦ୍ଧାର

ଆଠଗଡ – ଆଠଗଡ ସହର ନିକଟବର୍ତ୍ତୀ ରାଧାଗୋବିନ୍ଦପୁର ଗ୍ରାମର କଣ୍ଡୁରୀ ଜେନା ନାମକ ଜଣେ ବ୍ୟକ୍ତିଙ୍କ ଶୋଇବା ଘରୁ ଏକ ୫ଫୁଟ ଲମ୍ବର ନାଗସାପ ଉଦ୍ଧାର କରାଯାଇଛି । ଶ୍ରୀ ଜେନାଙ୍କ ପତ୍ନୀ ଶୋଇବା କକ୍ଷରେ ନାଗସାପର ଗର୍ଜନ ଶୁଣି ତାକୁ ଦେଖିବା ମାତ୍ରେ ଭୟରେ ଖଟ ଉପରକୁ ଚଢିଯାଇ ଚିକ୍ରାର କରି ପରିବାର ଲୋକଙ୍କୁ ଡାକିଥିଲେ । ପରିବାର ଲୋକ ଆଠଗଡର ସାପଧରାଳି ତଥା ସ୍ନେକ ହେଲ୍ପଲାଇନର ସଦସ୍ୟ ସୁଶାନ୍ତ କୁମାର ପାତ୍ରଙ୍କୁ ଡାକିଥିଲେ ।

ସୁଶାନ୍ତ ତୁରନ୍ତ ଘଟଣାସ୍ଥଳରେ ପହଞ୍ଚି ଶ୍ରୀ ଜେନାଙ୍କ ଶୋଇବା କକ୍ଷରୁ ସାପଟିକୁ ଉଦ୍ଧାର କରି ବନବିଭାଗର ପରାମର୍ଶକ୍ରମେ ନିକଟବର୍ତ୍ତୀ ବୌଦା-ବନଖଣ୍ଡି ସଂରକ୍ଷିତ ଜଙ୍ଗଲରେ ସୁରକ୍ଷିତ ଭାବେ ଛାଡିଦେଇଥିଲେ ।

Comments are closed.