କୋଣାର୍କ: ଅଗ୍ନିକାଣ୍ଡ ଘଟି ୩ ବଖରା ଘର ଜଳି ଯିବା ସହ ଏଥିରେ ନଗଦ ୫୨ହଜାର ଟଙ୍କା ଓ ଅନ୍ୟାନ୍ୟ ଆସବାସ ପତ୍ର ପୋଡି ପାଉଁଶ ହୋଇ ଯାଇଛି । ସର୍ଟସର୍କିଟ କାରଣରୁ ଅଗ୍ନିକାଣ୍ଡ ଘଟିଥିବା ଜଣାପଡ଼ିଛି ।
ସୂଚନା ଅନୁଯାୟୀ ପୁରୀ ଜିଲା କୋଣାର୍କ ଥାନା ଅଧିନ ଜୁଣେଇ ନିକଟରେ ରହୁଥିବା ଧନେଶ୍ୱର ସାହୁଙ୍କ ଘରେ ଶୁକ୍ରବାର ରାତିରେ ସର୍ଟସର୍କିଟ ଯୋଗୁଁ ଘରେ ନିଆଁଲାଗି ଯାଇଥିଲା । ଦେଖୁ ଦେଖୁ ନିଆଁ ଜୋରରେ ଜଳିବାକୁ ଲାଗିଥିଲା । ଏ ସମ୍ପର୍କରେ ସ୍ଥାନୀୟ ଲୋକ କୋଣାର୍କ ଚମ୍ପାହାର ଅଗ୍ନୀଶମ କେନ୍ଦ୍ରକୁ ଖବର ଦେଇଥିଲେ । ଖବର ପାଇ ଅଗ୍ନୀଶମ କର୍ମଚାରୀ ଦମକଳ ଗାଡି ସହ ଘଟଣା ସ୍ଥଳରେ ପହଁଚିଥିଲା ବେଳକୁ ତିନି ବଖରା ଘର ପୋଡି ପାଉଁଶ ହୋଇ ଯାଇଥିଲା । ଚାଳ ଛପର ଘରେ ଆଜବେଷ୍ଟ ପକାଇବା ପାଇଁ ଗ୍ରାମ ମହିଳା ସମିତିରୁ ଆଣିଥିବା ୫୨ହଜାର ଟଙ୍କା ଏଥିରେ ଜଳି ଯାଇଥିବା ଜଣାପଡ଼ିଛି।
