ପିନୁଇଲାସ୍- ଚିଲ୍ଲୀର ଗତ ୧୩ ବର୍ଷ ଧରି ମରୁଡି ପଡିଛି । ଏହାର ବିଭିନ୍ନ ଅଞ୍ଚଳରେ ୧୩ ବର୍ଷ ଧରି ବର୍ଷା ହୋଇ ନାହିଁ । କୂଅ ପୋଖରୀ କଥା ଛାଡନ୍ତୁ ବଡ ବଡ ହ୍ରଦ ସମ୍ପୂର୍ଣ୍ଣ ଶୁଖିଯାଇ ମରୁଭୂମି ପରି ଦେଖାଯାଉଛି । ପାଣି ପାଇଁ ଚାରିଆଡା ହାହାକାର । ପରିବେଶ ପରିବର୍ତ୍ତନ ଯୋଗୁଁ ଏପରି ହୋଇଥିବା ବିଶେଷଜ୍ଞମାନେ ମତ ଦେଇଛନ୍ତି ।
ଚିଲୀର ମଧ୍ୟଭାଗରେ ଥିବା ପିନୁଇଲାସ୍ ଜଳଭଣ୍ଡାରରେ ଆଉ ପାଣି ନାହିଁ ଏଥିରେ ୩୮,୦୦୦ ବଡା ସୁମିଂପୁଲରେ ଯେତିକି ପାଣି ରହିବ ସେତିକି ରହିଥାଏ । ହ୍ରଦସାରା ମାଛ ପରି ଶୁଖୁଆ ଅବସ୍ଥାରେ ପଡିଛନ୍ତି। ଏପରିକି ପାଣି ପାଇଁ ଡହଳ ବିକଳ ହୋଇ ଆସିଥିବା ଜୀବଜନ୍ତୁ ସେଠାରେ ମରି ପଡିଛନ୍ତି । ଏହା ପରିବେଶକୁ ଆହୁରି ଖରାପ କରୁଛି ।
ଚିଲୀ ବିଶ୍ୱରୁ ସର୍ବାଧିକ ତମ୍ବା ଉତ୍ପାଦନ କରୁଥିବା ଦେଶ । ତମ୍ବା ଉତ୍ପାଦନ ଉପରେ ମରୁଡିର ପ୍ରଭାବ ପଡିଛି । ସେଠାକାର ବାସିନ୍ଦମାନଙ୍କୁ ପିଇବା ପାଣି ଦେବା ପାଇଁ ସରକାର ପାଣି ରାସନିଂ ବା ରାସନକାର୍ଡରେ ପିଇବା ପାଣି ପାଇବା ପାଇଁ ବ୍ୟବସ୍ଥା କରିଛନ୍ତି । ଏବେ ସେଠାକେର ଲୋକ ପାଣପାଇଁ ଭଗବାନଙ୍କୁ ପ୍ରାର୍ଥନା କରୁଛନ୍ତି ।
ସାଧାରଣତଃ ଶୀତଦିନେ ଝଡବାତ୍ୟା ଯୋଗୁଁ ଚିଲିର ଆଣ୍ଡିଜ୍ ପର୍ବତମାଳାରେ ତୁଷାର ସୃଷ୍ଟି କରିବାରେ ସହାୟକ ହୋଇଥାଏ । ମାତ୍ର ଚିଲୀ ଉପକୂଳରେ ତାପମାତ୍ରା ବୃଦ୍ଧି ପାଇବାରୁ ପାଣିପାଗରେ ପରିବର୍ତ୍ତନ ହୋଇଛି । ଝଡବାତ୍ୟା ଆଉ ଆଣ୍ଡିଜ୍ ମୁହାଁ ହେଉ ନାହିଁ । ଏଥିପାଇଁ ଗତ ୧୩ ବର୍ଷ ହେଲା ମରୁଡି ପରିସ୍ଥିତି ।
