ଚୌଦ୍ୱାର: ଚୌଦ୍ୱାର କୈବର୍ତ୍ତ ସମ୍ପ୍ରଦାୟର ଇଷ୍ଟଦେବୀ ଅଶ୍ୱେନୀ ବାସେଳୀଙ୍କ ଚୈତ୍ରପର୍ବ ପାଳିତ ହୋଇ ଯାଇଛି । ବାଜି ରାଉତ କୈବର୍ତ୍ତ ଯୁବକ ସଂଘ ଆନୁକୁଲ୍ୟରେ ବଡ଼ ବଜାରସ୍ଥିତ ସତ୍ୟନାରାୟଣ ପାଲା ମଣ୍ଡପରେ ଆୟୋଜିତ ଏହି ଉତ୍ସବରେ ପଦ୍ମଶ୍ରୀ ଉଚ୍ଛବ ଚରଣ ଦାସ ଓ ଗଙ୍ଗାଧର ବେହେରା ଅତିଥି ଭାବେ ଯୋଗଦେଇ ଉତ୍ସବର ଉଦ୍ଘାଟନ କରିବା ସହିତ ଏହି ପର୍ବ କୈବର୍ତ୍ତ ସମ୍ପ୍ରଦାୟର ସାଂସ୍କୃତିକ ପରମ୍ପରାକୁ ଜୀବିତ୍ କରି ରଖିବା ସହିତ ପରସ୍ପର ମଧ୍ୟରେ ଭାଇଚାରା ଓ ପ୍ରେମଭାବକୁ ମଜବୁତ କରିଥାଏ ବୋଲି ମତବ୍ୟକ୍ତ କରିଥିଲେ ।ଏହି ଅବସରରେ ଆନ୍ତର୍ଜାତିୟ ଖ୍ୟାତି ସମ୍ପନ୍ନ ଘୋଡ଼ାନାଚ ଶିଳ୍ପି ପଦ୍ମଶ୍ରୀ ଉଚ୍ଛବ ଚରଣ ଦାସ ଓ ସାଥି ମାନଙ୍କଦ୍ୱାରା ଚଇତିଘୋଡ଼ା ନାଚ ପରିବେଷଣ କରାଯାଇଥିଲା ।ଛୋଟ ଛୋଟ ପିଲା ମାନଙ୍କଦ୍ୱାରା ମନୋରଞ୍ଜନ କାର୍ଯ୍ୟକ୍ରମ ପରିବେଷଣ କରାଯାଇଥିଲା । କ୍ଲବ୍ ସଭାପତି ବିଜୟ କୁମାର ବେହେରା, ମଙ୍ଗରାଜ ବେହେରା,ଅଜୟ କୁମାର ବେହେରା,ଗିରିଧାରୀ ବେହେରା,ସଂଜୟ ଦଳାଇ ପ୍ରମୁଖ ଉତ୍ସବ ପରିଚାଳନା କରିଥିଲେ ।
Comments are closed.