ପାଟନା .- କଂଗ୍ରେସ ଓ ଅନ୍ୟ ଦଳମାନଙ୍କ ପକ୍ଷରୁ ଭାରତ ବନ୍ଦ ଡାକରା ଦିଆଯାଇଥିବା ବେଳେ ବିହାରରେ ଏଥିଯୋଗୁଁ ଜଣେ ୨ ବର୍ଷର ଶିଶୁର ମୃତ୍ୟୁ ହୋଇଥିବା ବିଜେପିର ବରିଷ୍ଠ ନେତା ତତା କେନ୍ଦ୍ର ମନ୍ତ୍ରୀ ରବିଶଙ୍କର ପ୍ରସାଦ ଅଭିଯୋଗ କରିଛନ୍ତି । ସଙ୍କଟାପନ୍ନ ଅବସ୍ଥାରେ ଥିବା ଏକ ଶିଶୁ ଆମ୍ବୁଲାନ୍ସ ନେଇ କରି ଯାଉଥିବା ସମୟରେ ବନ୍ଦ ଯୋଗୁଁ ହୋଇଥିବା ଟ୍ରାଫିକରେ ଫସି ରହିଥିଲା । ସେଥିଯୋଗୁଁ ଶିଶୁଟିର ମୃତ୍ୟୁ ହୋଇଥିବା କଥା ସେ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ।
ବିହାରର ଜେହାନବାଦରେ ଏହି ଘଟଣା ଘଟିଥିବା କଥା ସେ ପ୍ରକାଶ କରିଛନ୍ତି । ମାତ୍ର ବିରୋଧି ଦଳମାନେ ଏ କଥାକୁ ଅସ୍ୱୀକାର କରିଛନ୍ତି । ଶିଶୁଟିକୁ ତାଙ୍କର ପରିବାର ଲୋକ ଡେରିରେ ଚିକିତ୍ସାପାଇଁ ନେଉଥିବା କାରଣରୁ ତାହାର ମୃତ୍ୟୁ ହୋଇଥିବା କଥା ଆର୍ଜେଡି ଓ କଂଗ୍ରେସ ପ୍ରକାଶ କରିଛନ୍ତି ।