ନୂଆଦିଲ୍ଲୀ : ରାଫେଲ କାରବାର ସମ୍ବନ୍ଧୀୟ ସମୀକ୍ଷା ଆବେଦନର ଶୁଣାଣି ଘୁଞ୍ଚାଇବାକୁ କେନ୍ଦ୍ର ସରକାରଙ୍କ ପକ୍ଷରୁ ସୋମବାର ସୁପ୍ରିମକୋର୍ଟରେ ନିବେଦନ କରାଯାଇଛି। ସର୍ବୋଚ୍ଚ ଅଦାଲତ ମଙ୍ଗଳବାର ଏହା ଉପରେ ଶୁଣାଣି କରିବାର କାର୍ଯ୍ୟକ୍ରମ ଥିଲା। ମାତ୍ର ସାନି ସତ୍ୟପାଠ ପ୍ରସ୍ତୁତ କରିବାକୁ ଅଧିକ ସମୟର ଆବଶ୍ୟକତା ଥିବାରୁ ଶୁଣାଣି ଘୁଞ୍ଚାଇବାକୁ କେନ୍ଦ୍ର ସରକାର ନିବେଦନ କରିଛନ୍ତି। କେନ୍ଦ୍ରର ଏହି ଆବେଦନ ଉପରେ ସୁପ୍ରିମକୋର୍ଟ କୌଣସି ନିର୍ଦେଶ ଜାରି କାରି ନ ଥିବା ବାର ଆଣ୍ଡ ବେଞ୍ଚ ସୂତ୍ରରୁ ଜଣାପଡିଛି। ଆବେଦନକାରୀଙ୍କ ସହିତ ଅନ୍ୟ ସମସ୍ତ ପକ୍ଷଙ୍କୁ ମଙ୍ଗଳବାର ଶୁଣାଣି ସମ୍ବନ୍ଧୀୟ ମୁଲତବି ଚିଠି ବଣ୍ଟନ କରିବାକୁ ପ୍ରଧାନ ବିଚାରପତି ରଞ୍ଜନ ଗୋଗଇଙ୍କ ପୀଠ କେନ୍ଦ୍ର ସରକାରଙ୍କ ଓକିଲଙ୍କୁ ଅନୁମତି ପ୍ରଦାନ କରିଥିବା ପିଟିଆଇ ପ୍ରକାଶ କରିଛି। ଉଲ୍ଲେଖ ଯେ ଏପ୍ରିଲ ୧୦ରେ ସୁପ୍ରିମକୋର୍ଟଙ୍କ ପୀଠ ସର୍ବସମ୍ମତିକ୍ରମେ ଏହି ସମୀକ୍ଷା ଆବେଦନ ଉପରେ କେନ୍ଦ୍ରର ଆପତ୍ତିକୁ ଖାରଜ କରିଦେଇଥିଲେ। ଏହି ଆବେଦନ ପ୍ରତିରକ୍ଷା ମନ୍ତ୍ରାଳୟର ଗୋପନୀୟ ଦସ୍ତାବିଜ ଉପରେ ପର୍ଯ୍ୟବସିତ ଥିବାରୁ ତାହାକୁ ଖାରଜ କରିବାକୁ କେନ୍ଦ୍ର ସରକାର ଗତ ମାର୍ଚ୍ଚରେ ନିବେଦନ କରିଥିଲେ। ଏହା ପୂର୍ବରୁ ଡିସେମ୍ବରରେ ସୁପ୍ରିମକୋର୍ଟ ରାଫେଲ ଦୁର୍ନୀତି ସମ୍ବନ୍ଧୀୟ ସମସ୍ତ ମାମଲା ବନ୍ଦ କରିବାକୁ ନିର୍ଦେଶ ଦେଇଥିଲେ। କିନ୍ତୁ ବରିଷ୍ଟ ଆଇନଜୀବୀ ପ୍ରଶାନ୍ତ ଭୂଷଣ, ପୂର୍ବତନ କେନ୍ଦ୍ରମନ୍ତ୍ରୀ ଯଶୱନ୍ତ ସିହ୍ନା ଓ ଅରୁଣ ସୌରୀ ପ୍ରମୁଖ ଏହା ବିରୋଧରେ ସମୀକ୍ଷା ଆବେଦନ କରିଥିଲେ।
Popular Categories
Next article