ନୂଆଦିଲ୍ଲୀ: ଆସନ୍ତା ୨୦୨୧-୨୨ ଆର୍ଥିକବର୍ଷ ଲାଗି ବଜେଟ୍ ପ୍ରସ୍ତୁତି ଆସନ୍ତା ଅକ୍ଟୋବର ୧୬ ତାରିଖୁ ଆରମ୍ଭ ହେବ । ଏହା ପ୍ରଧାନମନ୍ତ୍ରୀ ମୋଦୀ ସରକାରଙ୍କ ଦ୍ୱିତୀୟ କାର୍ଯ୍ୟକାଳ ଏବଂ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ତୃତୀୟ ବଜେଟ୍ ହେବ। କରୋନା ସଙ୍କଟ କାରଣରୁ ଅର୍ଥନୈତିକ ଅଭିବୃଦ୍ଧି ହ୍ରାସ ଏବଂ ରାଜସ୍ୱ ସଂଗ୍ରହ ହ୍ରାସ ଭଳି ସମସ୍ୟାର ମୁକାବିଲା ପାଇଁ ବଜେଟରେ ଘୋଷଣା କରାଯାଇପାରେ।
୨୦୨୧-୨୨ ଆର୍ଥିକ ବର୍ଷ ପାଇଁ ବଜେଟ୍ ଆକଳନ ଅନ୍ୟାନ୍ୟ ସଚିବ ଏବଂ ଖର୍ଚ୍ଚ ସଚିବଙ୍କ ଆର୍ଥିକ ପରାମର୍ଶଦାତାଙ୍କ ସହ ଆଲୋଚନା ସମାପ୍ତ ହେବା ପରେ ଚୂଡାନ୍ତ ହେବ | ପ୍ରାକ୍ ବଜେଟ୍ ବୈଠକ ଅକ୍ଟୋବର ୧୬ରୁ ଆରମ୍ଭ ହୋଇ ନଭେମ୍ବରର ପ୍ରଥମ ସପ୍ତାହ ପର୍ଯ୍ୟନ୍ତ ଚାଲିବ |
- Advertisement -
ସୂଚନାଯୋଗ୍ୟ ଯେ ମୋଦୀ ସରକାର ୧୫୯ ବର୍ଷ ପୁରୁଣା ବ୍ରିଟିଶ ଯୁଗର ପରମ୍ପରାକୁ ଶେଷ କରି ୨୦୧୯-୨୦ ଆର୍ଥିକ ବର୍ଷ ପାଇଁ ବ୍ରିଫକେଶ୍ ବଦଳରେ ନାଲି ଖାତାରେ ବଜେଟ ବାନ୍ଧି ଆଣିଥିଲେ ।
